Kufumba Kwamwekeshaña Nawu Akukeña

Kufumba kakavulu kwatalisha mukufumba muntu nikumudizisha, ilaña mwabombela cheñi kumwolola nikumubabesha. Yehova watufumbaña kulonda tudifukuleña kudi yena munjila yetejayi. (Rom 12:1; Heb 12:10, 11) Mpinji yikwawu chakalaña kutambwila kufumba, ilaña neyi tukutambwila, mwafumaña yuma yayiwahi. (Yis 10:7) Yumanyi yatela kwanukawu antu anakufumbana nianakufumbawu?

Akwakufumbana. Akulumpi, anvwali, niantu amakwawu azataña nañovu kulonda afumbi muntu naluwi nawa nakukeña neyi chelañayi Yehova. (Yer 46:28) Mwatela kumufumba muntu kwesekeja nachidi yuma nawa nakukeña.—Tit 1:13.

Muntu anakufumbawu. Hichikweti muloña nanjila yinatufumbiliwuku, twatela kukaana wanyi ilaña twatela kukuzatisha. (Yis 3:11, 12) Chineli twawanina wanyi, wejima wetu twakeñaña kutufumba, kwatufumbañawu munjila yashiyashana. Tunateli kutambwila kufumba kuhitila muyuma yitwatañaña muBayibolu hela yuma yitwadizaña hakupompa kwahachipompelu. Mpinji yikwawu amakwawu akeñekaña kuyifumba kudi kometi yawunsompeshi. Neyi twiteja kufumba nawa tukuzatisha, mukafuma yuma yayiwahi nawa twakashakama haya nyaaka.—Yis 10:17.

TALENU VIDIYO YA “ANTU AKEÑAYI YEHOVA WAYIBABESHAÑA,” NAWA AKULENU AWA MALWIHU:

• 

  Chihandilu chaCanon hakusambila chadiña ñahi nawa chahimpikili ñahi?

• 

  Yehova wamufumbili ñahi?

• 

  Yumanyi yitwadizilañaku kuyuma yamweniyi?