Twalekenuhu Kufumba Ñovu Jenu Jakutoñojoka

Mukwakuhema yisela watela kutwalekahu kukolesha mujimba windi kulonda yatwalekihu kwikala wakulukila. Munjila yoyimu, ninetu twatela kutwalekahu kuzata nañovu kulonda tufumbeña ñovu jetu jakutoñojoka. (Heb 5:14) Hela chakwila twenjilila kwila yuma yelañawu akwetu, twatela kudiza chakutoñojoka etu aweni nikufuukulahu. Muloñadi? Wonsu wetu twakadilumbulwila kwesekeja nayuma yitwafuukulaña.—Rom 14:12.

Hitwatela kutoñojoka netu tunateli kufuukula mwamaana muloña wakwila hanashimbuli kufuma hitwapapatisheweliku. Hakwila nawu tufuukuleña mwamaana, twatela kushindamena hadi Yehova, Izu dindi nikuloñesha kwindi.—Yos 1:7, 8; Yis 3:5, 6; Mat 24:45.

TALENU VIDIYO YA “IKALENUÑA NACHINLEJI CHACHIWAHI,” NAWA AKULENU AWA MALWIHU:

• 

  Chumanyi chamumwekeneni Emma chateleleliyi kufuukulahu?

• 

  Muloñadi chitwatela kutondolwela kushimuna yitoñojoka yetu hansañu yatela kudifuukwilayi muntu yomweni?

• 

  Kufumbanyi kwakuwahi kwamukwashiliwu Emma kudi adisumbula?

• 

  Kudihi kwawaniniyi Emma nsañu yamukwashili nakukala kwadiñayi naku?