CHATELA KUSHAKAMAWU AKAKRISTU

Kwashenu Antu Abulaña Kudifukula Kudi Nzambi Eluki Nleñi Yawu

Komana mwadifuntañamu kushimwina antu abula kwitiya, nakutoñojoka nenu akwiteja wanyi? Neyi dimu, abula kwitiya niantu akaanaña nawu kwekala Nzambi wanyi abalumukaña nakwikala aYinsahu jaYehova. Kakavulu akeñaña kuyikwasha kusandujola wunsahu wamwekeshaña nawu Nzambi wekala kwoku.—Rom 1:20; 10:14.

TALENU VIDIYO YINAKWILA NAWU, ANUKENU ANTU ABULA CHIKUHWELELU ANATELI KWIKALA NACHIKUHWELELU!—ANTU ABULA KWITIYA, NAWA AKULENU AWA AMALWIHU:

Yuma yamumwekeneni Tommaso yinateli kuyikwasha ñahi neyi munakushimwina antu abulaña kudifukula kudi Nzambi?

Ñakwilu yenu

Yuma yimwatela kwila

Neyi muntu ahosha nindi Nzambi wekalaku wanyi, mwekeshenu luwi, babalenu, nawa musakililenu hayitoñojoka yindi nichinakutiyayi haniyi nsañu. (2Ti 2:24) Hanjekenu hansañu yinateli kumusañumuna. Komana nakukeña kuhanjeka hawunsahu waletesha amakwawu kukuhwelela nawu kwekala Nleñi? Neyi dichinakukeñayi, zatishenu nyikanda nimavidiyo asonekalawu antu adi neyi yena. Broshuwa yaWas Life Created? niyaThe Origin of Life—Five Questions Worth Asking anayishi muChikasha Chetu chaYozelu Yakuzatisha Hakudizisha kulonda tuyiwaneña swayi.

Hakusambila, munateli kutiya woma kuhanjeka chalala namuntu wabula kukuhwelela mudi Nzambi. Kwila mulomba wukwashu kudi mukakushimwina welukisha nehi? Anukenuña cheñi nenu, Yehova nateli kutukwasha kushika hanyichima yawantu akweti nyichima yashinshika hela chakwila hakusambila akuhweleli nawu wekalaku wanyi.—Yil 13:48