Chakuumika Wuñanji Waheña

Tañenu Kutachika 37:​23-28; 39:​17-23 kulonda mudizili kudi Yosefu chakuumika wuñanji waheña.

Toñojokenu hanoyu nsañu. Yumanyi yaletesheli Yosefu amwili chuma chatama? (Kutach. 37:​3-11; 39:​1, 6-10) Yosefu womikili wuñanji waheña kushika mpinjinyi? (Kutach. 37:2; 41:46) Haniyi mpinji, Yehova wamwililili Yosefu yumanyi, nawa yumanyi yabulili kumwililayi?—Kutach. 39:​2, 21; w23.01 17 ¶13.

Sandujolenu chikupu. Bayibolu yashimuna wanyi nawu Yosefu wadihakwilili yomweni kunsañu yamutwambililiwu kudi ñoda Potifwari. Nsona jinalondelihu jinateli kutukwasha ñahi kwiluka chaletesheli Yosefu afuukulihu kubula kuhoshahu izu nidimu hela muloña waweni wutunateli kubulila kukeña netu atuleji nsañu yejima? (Yish. 20:2; Yow. 21:25; Yilw. 21:37) Yilwilwinyi yatela yamukwashili Yosefu kuumika wuñanji waheña?—Mika 7:7; Luka 14:11; Yak. 1:​2, 3.

Toñojokenu hayuma yimunadiziliku. Dihulenu nenu:

• ‘Kukalanyi kunatela kukuhwelela kumona muloña wakwikala kambanji kaYesu?’ (Luka 21:​12, 16, 17; Heb. 10:​33, 34)

• ‘Nateli kudiloñeshela ñahi chadimu kulonda nakatweshi kuumika wuñanji waheña?’ (Mas. 62:​7, 8; 105:​17-19; w19.07 2-7)