Dizilenu kuNyevulu

Munyikanda yetu mwekalaña nyevulu yayivulu yatudizishaña yuma yalema. Yumanyi yimwatela kwila hakwila mudizili kuniyi nyevulu?

• Hitulukilenu chadimu munyevulu henohu kanda mutachiki kutaña chibaaba. Nyevulu yikuyisañumuna kwikala nampwila nimuchima wakufwila kutaña chibaaba. Neyi chitwadiluñishaña yakuda yayiwahi, mesu etu niwena asambilaña “kutompa.” Dichi dihulenu nenu, ‘Chumanyi chinnamoni?’—Amosi 7:​7, 8.

• Hampinji yimunakutaña chibaaba, toñojokenu chaletesheli ashimu oyu nyevulu. Tañenu mazu hela nsañu yinakulumbulula nyevulu neyi yidi kwoku. Toñojokenu hanyevulu chiyinanuñañani nansañu yidi muchibaaba nichimunateli kuzatisha nsañu yimunadizili kunoyu nyevulu.

• Hanyima yakutaña, zatishenu nyevulu hakuhituluka muyikuma yamaneni yidi muchibaaba. Jibalalenu nawa esekenu kwanuka nyevulu niyuma yimunadizili kunoyu nyevulu.

• Talenu cheñi nyevulu yidi muyinu magazini, kulonda mumoni neyi mukutwesha kwanuka yuma yimunadiziliku.