“Yilemeshenu Antu Adochu”
KUFUMA mu 1992, Izanvu Dalombolaña datondeli aeluda akuluka yitembi kulonda ayikwasheñaku kuzata mumakometi awu.a (Talenu tumazu twaheshina.) Awa nkwashi ekala amwizanvu ‘danyikoku acheñi,’ akwashaña nankashi Izanvu Dalombolaña. (Yowanu 10:16) Abulakanaña mulungu nimulungu mumakometi mwayishawu. Mudimu wawu wekala wakuleja Izanvu Dalommbolaña nsañu yinakukeñeka nikuyileja mwakwilila. Izanvu Dalommbolaña didashimunaña mwakwilila, kuhiñahu ankwashi atalaña neyi munafukuli Izanvu Dalombolaña munazatiki. Awa amanakwetu adihana kuzata mudimu wudi wejima. Ayaña hamu kukupompa kwadimena mumaluña ashiyashana nawamanakwetu aMwizanvu Dalombolaña. Mpinji yikwawu ayitemeshaña kuya nakuhempula tusanji twanyitayi.
Manakwetu wunazati neyi nkwashi kufuma mu 1992 wahosheli nindi, “Neyi nizata mudimu wunanyinkuwu, Izanvu Dalombolaña dikusha maana kuyuma yakuspiritu.” Manakwetu mukwawu wunazati hadi yaaka 20 wahosheli nindi, “hikukooleka kweneni kuzataku iwu mudimu.”
Izanvu Dalombolaña dayinka awa amanakwetu mudimu weneni chikupu nawa dahamekenaña chadikitañawu. Twatela kutwalekahu ‘kuyilemesha antu adochu.’—Afwilipi 2:29.
a Talenu chikasha chinakuhosha nawu “Izanvu Dalombolaña Chidazataña Mudimu waWanta” mukapetulu 12 kamukanda Wanta waNzambi Wunakuyuula! kulonda mwiluki nyidimu yikwawu yazataña makometi 6 Ezanvu Dalombolaña.