Njita Yidi muUkraine Yinaleteshi Yakuda Mukaayi Kusweja Kukeha

HaMay 19, 2022, aUnited Nations Security Council atiyili kudi akulumpi janfulumendi akubadika ha 75 nawu “mukaayi kejima yakuda yinakehi muloña wachipupu chaCOVID-19 nikuhimpika kwayilaka, ilaña mukaayi kejima mukwikala nzala yakapwelendendi muloña wanjita yidi muUkraine.” Hashimbwili wanyi, Antu atalaña haEconomy ashimwini nawu “Njita yikuletesha nzala kuswejelaku mukaayi.” Bayibolu yashimwineñahu dehi nawu yakuda yikakeha mukaayi, nawa yatukwashaña kwiluka chitwatela kuhanda naniku kukala.

Bayibolu yashimwineñahu dehi nawu yakuda yikakeha

•  Yesu waprofweteli nindi: “Muza wakanyamuka nakuzuña namuza wukwawu, wanta niwena wakanyamuka nakuzuña nawanta wukwawu . . . nikukeha kwayakuda.”—Matewu 24:7.

•  Mukanda waChimwekeshu washimuna akakwendela hatuwalu awana amuchifwikija. Mukakwendela hakawalu wumu nakwemenaku majita. Anamulondeli kudi mukwawu wunakwimenaku nzala yakapwelendendi, mpinji yakela yakuda anakuyipima nawa anakuyilandisha hawuseya weneni. “Namweni kawalu keyila, nawa washakaminihu wadiña napezu muchikasa chimu . . . Natiyili chuma chatiyakeneña neyi izu nawu: ‘Kwati yatidiku, wukuyilanda nanfwetu yefuku damukuma, nawa makwati asatu abali, wukuyilanda nanfwetu yefuku dimu.’”—Chimwekeshu 6:5, 6, Contemporary English Version.

Iwu wuprofwetu wamuBayibolu wakukeha kwayakuda wunakumwekana munanu mafuku atenawu muBayibolu nawu “mafuku akukuminina.” (2 Timotewu 3:1) Hakwila mwiluki nsañu yahosha “mumafuku akukuminina” niakakwendela hatuwalu awana ekala muChimwekeshu, talenu vidiyo yinakwila nawu The World Has Changed Since 1914 nawa tañenu chibaaba chinakwila nawu “Akwakwendela Hatuwalu Awana Hiyanyi?”

Bayibolu chiyinateli kuyikwasha

•  MuBayibolu mwekala nsañu yinateli kutukwasha kuumika kukala kutunakumona, kushilahu nikukandama kwawuseya wayakuda nikukeha kwayakuda. Talenu yakutalilahu muchibaaba chinakuhosha nawu, “Chakuhanda naYuma Yantesha.”

•  Cheñi Bayibolu yatukwashaña kuchiñeja nawu yuma yakekala chiwahi. Yatukana mpinji yakela “Hamaseki hakekala mbutu jajivulu chikupu” nawa antu ejima akekala nayakuda. (Masamu 72:16) Hakwila mudizi kuchiñeja kwekala muBayibolu hayuma yakumbidi nimuloña wumwatela kuyikuhwelela, tañenu chibaaba chinakwila nawu “A Real Hope for a Better Tomorrow.”