Yesu Wakamanisha Wubanji

Yesu weluka chichatiyakanaña kukabakana muloña wawubanji niwuñanji waheña. Amutwambilili, kumweta chakadi muloña, kumwinka nyiloña yakadi kwiluka, kumufwisha namuloña, nikumujaha munjila yakata. Hela chakwila wadiña namuloña wanyi, wadihanini chakufuma hamuchima “kwikala mulambu kulonda akuuli antu amavulu.” (Matewu 20:28; Yowanu 15:13) Ichi dinu, hamu neyi Mwanta waWanta waNzambi, katataka aleti wuñaji waloña mwahita kaayi kejima, nakumanisha wubanji wejima.—Isaya 42:3.

Bayibolu yashimuna chakekala kaayi hanyima yakwila Yesu nelihu dehi chuma:

• “Antu atama hiyakekalaku nawa cheñiku; wakatalatala hashakamineñawu, akekalahu wanyi. Ilaña amwovu akaswana iseki, nawa akazañalala chikupu nakushakama mukuwunda kwakweni.”—Isamu 37:10, 11.

Tunateli kumwekesha ñahi kusakilila hayuma yatwililayi Yesu niyakatwililayi? Njila yimu hikwilukilahu nsañu yikwawu yahosha “hansañu yayiwahi yaWanta waNzambi,” dikwila nawu nsañu yashimwinineñayi. (Luka 4:43) Tañenu chibaaba chinakwila nawu “Wanta waNzambi hiChumanyi?”