Isamu daAsafi.+
82 Nzambi washakamaña mwiluña dindi dakubulakena;+
Wasompeshelaña hakachi kawanzambi:+
2 “Mukutwalekahu kusompesha mwaheña+
Nikumuyiñisha watama kushika mpinjinyi?+ (Sela)
3 Hakwilakuku wakehelamu niwabula tata yindi.+
Musompeli muntu wakadi wakumukwasha nikazweñi mwawuñanji.+
4 Pulwishaku antu akehelamu niatuzweñi;
Yamwini kumakasa awantu atama.”
5 Eluka wanyi, nawa hiyatiyishishañaku;+
Anakwenda mumwidima;
Yikuku yeseki yejima anakuyinyinkesha.+
6 “Nahoshi nami, ‘Enu mudi anzambi,+
Wejima wenu mudi anyana kaMukakubadika Chikupu.
7 Ilaña mwakafwa neyi chafwaña antu;+
Nawa mwakajilumuka neyi kalamba wudi wejima!’”+
8 Nyamukaku, eyi Nzambi, kulonda wusompeshi iseki,+
Muloña nyuza yejima yeyi.