• Yuma Yikweti Wumi Yatachikili Ñahi?
    Munateli Kwikala naMuzañalu Haya Nyaaka!—Kudiza Bayibolu Chakuhanjeka

    • 3. Chumanyi chaletesha antu kwikala ambukaku nawanyama?

      Chelili Yehova naleñi dehi iseki, waleñelelihu cheñi yuma yikweti wumi. Wasambilili kuleñelahu nyitondu nianyama. Kuhiñahu, “Nzambi watwalekelihu kuleña muntu muchifwanisha chindi.” (Tañenu Kutachika 1:27.) Chumanyi chaletesha antu kwikala ambukaku? Chineli atuleña muchifwanisha chaNzambi, tunateli kumwekesha yilwilu yindi yidi neyi kukeña niwuñanji. Watuleñeli nawuswa wakudiza madimi, kubanjila yuma yayiwahi nikudiluñisha tumina. Nawa etu antu twadifukulaña kudi Nleñi yetu ilaña anyama nehi.

  • Yuma Yikweti Wumi Yatachikili Ñahi?
    Munateli Kwikala naMuzañalu Haya Nyaaka!—Kudiza Bayibolu Chakuhanjeka

    • 5. Kudi yuma yikuletesha tukuhweleli netu nsañu yamuBayibolu yahosha hayileñaleña yalala

      HaKutachika Kapetulu 1, Bayibolu yalumbulula chaleñeliwu Iseki niyuma yikweti wumi yekalahu. Komana mukukuhwelela iyi nsañu tahindi yakulumbisha hohu? Vumishenu VIDIYO, kuhiñahu hanjekenu hamalwihu analondelihu.

      VIDIYO: Komana Mawulu niMaseki Ayileñeli?​—Kachibalu (3:51)

      Nyevulu: Nyevulu yinafumi muvidiyo yinakwila nawu ‘Komana Mawulu niMaseki Ayileñeli?—Kachibalu.’ 1. Mafuku 6 mwaleñeleliwu yuma chadi kumwekanawu kudi muntu heseki. 2. Chamwekeneña iseki hanyima yefuku damu 6 dakuleña, iku kudi mwana, iseki dooma, menji, nyitondu, atuda, anyama niantu.

      • Komana Bayibolu yadizishaña nawu iseki niyuma yikweti wumi yekalahu ayileñeli mumafuku 6 hohu?

      • Munakutoñojoka nenu nsañu yamuBayibolu yahosha hayileñaleña yalala nawa yatelela? Muloñadi?

      Tañenu Kutachika 1:1, kuhiñahu hanjekenu hanilu lwihu:

      • Asayantisiti ahoshaña nawu mawulu niiseki jikweti ntachikilu. Yuma yahoshañawu asayantisiti yinesakani ñahi nayuma yimunadizi muBayibolu?

      Antu amakwawu atoñojokaña nawu Nzambi waleñeli kachuma kanyanya kakweti wumi hakuleña yuma yejima yikweti wumi. Tañenu Kutachika 1:21, 25, 27, kuhiñahu hanjekenu hanawa malwihu:

      • Komana Bayibolu yatañishaña nawu Nzambi waleñeli kachuma kanyana kakweti wumi, kuhiñahu hikakubalumuka nakwikala inshi, anyama niantu? Ntahindi waleñeli yuma yejima kwesekeja ‘nanyichidi’ yayu?