• “Kwejima Kuwukuyeyi Kwoku Nukuya Ninami”
    Imbujolenu Chikuhwelelu Chawu

    • 23. Yumanyi yatachikili kutoñojokayi Luti, nawa Nshimbi yamwinkeluwu Mosi yahosheli nawudi kutalisha hadi atuzweñi? (Talenu cheñi tumazu twaheshina.)

      23 Chashakaminuwu awa ambanda ayedi muBetelemi, Luti watachikili kutoñojoka chatela kuhandawu naNyawomi. Welukili nindi Nshimbi yayinkeliyi Yehova antu jindi muIsarela yahosheleña nihakukwasha atuzwiñi. Ayitejeleña kuya mumaha hampinji yakwañula nikulondela akwakumuna nakunonojola yashileñawu kunyima kushilahu niyameneneña kunyisoña yeha nikunsa.b—Lev. 19:9, 10; Kuhit. 24:19-21.

      24, 25. Chumanyi cheliliyi Luti chashikiliyi mumaha aBowazi, nawa mudimu wakunonojola wadiñi ñahi?

      24 Mwadiña muchilaaka chañwileñawu bali, hadaha muApril kwesekeja nakalenda yetu yamakonu, nawa Luti wayili mumaha kulonda yamonuhu muntu wukumwiteja kunonojola bali yashileñawu akwakwaañula. Washikili mwiha damuntu wejina daBowazi, wadiña waheta nawa ntaña yaElimeleki nfumwa Nyawomi wafwili. Hela chakwila nshimbi yamwitejeli kunonojola, bayi neyi watachikili kunonojolaku, walombeli lusesa kudi mukwenzi weyala wadiña nakutala mudimu wakwaañula. Wamwitejeli nawa Luti watachikili kunonojola hohenohu.—Luti 1:22–2:3, 7.

  • “Kwejima Kuwukuyeyi Kwoku Nukuya Ninami”
    Imbujolenu Chikuhwelelu Chawu

    • b Chakadi nikujina, kuMowabi hikwadiña nshimbi yidi neyi iyuku. KuMiddle East wakushankulu, antuluwa adiña nakuyihemba chatama munana mafuku. Mukanda wumu wahosha nawu: “Neyi muntu nafwishi iyala, kakavulu ntuluwa washindameneneña hadi anyana; neyi wudana anyana wukudilandisha muwunduñu, kwikala chivumbi hela kufwa.”