KUDIZA 30

Antaña Jenu niAmabwambu Jenu Akekala Cheñi naWumi!

Kakupulinta

Kufwa kwaletaña chineñi nichikela chikupu. Dihafuma Bayibolu kutena kufwa nawu chilumbu. (1 AKorinda 15:26) MuKudiza 27, mwadizili nawu Yehova wakamushinda iwu chilumbu. Hanu dinu chumanyi chikayimwekena antu afwa dehi? Mukunu kudiza, mukwiluka chikaninu chachiwahi chikwawu chakanayi Yehova, chakwila nawu wakenka antu amavulu cheñi wumi kulonda akashakameña haya nyaaka. Wakayisañula! Mwamweni ichi chuma chakamwekana? Komana akayisañula kulonda akashakameña mwiwulu tahindi hamaseki?

1. Chumanyi chinakukeña kwilayi Yehova nawantaña jetu niamabwambu jetu afwa dehi?

Yehova wafwilaña kusañula antu afwa. Yoba, iyala wadiña nachikuhwelelu, wakuhweleleli chikupu nindi Nzambi wakamujimbala wanyi neyi nafwi. Wamulejeli Nzambi nindi: “Wakatambika, nawa nakakwakula [Mwijamu].”—Tañenu Yoba 14:13-15.

2. Tuneluki ñahi netu antu afwa akayisañula?

Hampinji yadiñayi Yesu hamaseki, Nzambi wamwinkeli ñovu yakusañula antu. Yesu wasañwili kansi wamumbanda wadiña nayaaka 12 nimwana weyala wamumbanda ntuluwa. (Maku 5:41, 42; Luka 7:12-15) Nkumininaku, ibwambu daYesu Lazaru wafwili. Hela chakwila Lazaru wafwili nawa mwahitili mafuku awana kufuma hamujiikiliwu, Yesu wamusañwili. Yesu walombeli kudi Nzambi, kuhiñahu wahosheli nindi: “Lazaru, idikakumu!” Nawa “owu muntu wafwili wedikilimu,” iku wamumi! (Yowanu 11:43, 44) Fwikijenu muzañalu watiyili chisaka chaLazaru niamabwambu jindi!

3. Chumanyi chimunakutalila hadi antaña jenu niamabwambu jenu afwa?

Bayibolu yashiika nawu: “Kwamba kekala kusañuka.” (Yilwilu 24:15) Antu asañwiliyi Yesu kunyima hiyayili mwiwuluku. (Yowanu 3:13) Atiyili kuwaha chayisañwililiwu hohanu hamaseki. Munjila yoyimu, katataka Yesu asañuli antu amavulu kulonda akashakameña haya nyaaka muparadisa hanu hamaseki. Wahosheli nindi “antu ejima adi mumajamu achanukishu,” kushilahu ninowu amwekanaña neyi ayijimbala dehi ilaña anakwanukawu kudi Nzambi, akayisañula.—Yowanu 5:28, 29.

SANDUJOLENU CHIKUPU

Dizenu muBayibolu kulonda mwiluki chitunateli kukuhwelela netu Yesu wudi nañovu yakusañula antu nawa wakayisañula. Ilukenu kusañuka chikunateli kuyikundeja nikuyikwasha kwikala nakuchiñeja.

Lazaru anamusañuli kudi Yesu iku antu amakwawu anakutala nawa anahayami.

4. Yesu wamwekesheli hatooka nindi nateli kusañula antu afwa

Ilukilenuhu nsañu yayivulu hachuma chamwilililiyi Yesu ibwambu dindi Lazaru. Tañenu Yowanu 11:14, 38-44, kuhiñahu hanjekenu hanawa malwihu:

Tuneluki ñahi netu mwamweni Lazaru wafwili?—Talenu vasi 39.
Neyi Lazaru wayili mwiwulu, munakutoñojoka nenu Yesu wadi kumusañwila hanu hamaseki?

Vumishenu VIDIYO.

VIDIYO: Yesu Wamusañwili Lazaru (1:16)

5. Antu amavulu akayisañula!

Tañenu Isamu 37:29, kuhiñahu hanjekenu hanilu lwihu:

Antu amavulu akasañulawu akashakamaña kudihi?

Yesu wakasañula antu amakwawu amavulu, bayi hohu adifukwileña kudi Yehovaku. Tañenu Yilwilu 24:15, kuhiñahu hanjekenu hanilu lwihu:

Anyi imunakukeña nenu akayisañuli kulonda mwakadimoni nawu?

Tata yawantu nakuhindwisha mwanindi wunakaami.

Toñojokenu hachumichi: Yesu nateli kushikena kusañula muntu neyi tata yawantu chinateli kuhindwishayi mwanindi wunakaami

6. Nsañu yakusañuka yinateli kuyikundeja nikuyikwasha kwikala nakuchiñeja

Nsañu yamuBayibolu yahosha hadi mwana kaJayirusa wamumbanda yakundejaña nikukolesha antu amavulu anafwishi. Tañenu iyi nsañu yamwekeni haLuka 8:40-42, 49-56.

Henohu Yesu kanda amusañuli mwana kaJayirusa wamumbanda, wamulejeli tata yindi nindi: “Bayi wakamaku, ikalaku hohu nachikuhwelelu.” (Talenu vasi 50.) Kuchiñeja nenu kwamba kekala kusañuka kukuyikwasha ñahi . . .

neyi ntaña yenu hela ibwambu denu nafwi?
neyi wumi wenu wudi muwubanji?

Vumishenu VIDIYO, kuhiñahu hanjekenu halwihu lunalondelihu.

VIDIYO: Kuchiñeja Kwakusañuka Kwatukwashaña Kwikala Ahamuka, Munjilanyi? (3:21)

Nyevulu: Nyevulu yamuvidiyo yinakuhosha nawu ‘Kuchiñeja Kwakusañuka Kwatukwashaña Kwikala Ahamuka, Munjilanyi?’ 1. Muhela nakumukundeja Veronica hakupompa hanyima yakwila munahiti dehi ifuku dimu kufuma hafwayi Phelicity. 2. Veronica nimwanindi wamumbanda anakumukundeja iwu mumbanda kuzatisha Bayibolu.

Kuchiñeja kwakusañuka kunayikundeji ñahi nikuyikolesha anvwali jaPhelicity?

AMAKWAWU AHOSHAÑA NAWU: “Chakala kukuhwelela nawu antu afwa mwamweni akayisañula.”

Indi enu munakutoñojoka nenudi?
Nsonanyi yimukuzatisha hakwila mumwekeshi nenu kwakekala kusañuka?

YUMA YIMUNADIZI

Bayibolu yashiika nawu antu amavulu akayisañula. Yehova nakukeña nindi akekali cheñi nawumi. Namwinki Yesu ñovu yakuyisañula.

Kuhitulukamu

Tuneluki ñahi netu Yehova niYesu anakukeña kusañula antu afwa?
Amavulu akasañulawu akashakamaña kudihi, mwiwulu tahindi hamaseki? Munahoshelidi mwenomu?
Chumanyi chinaleteshi mukuhweleli nenu antaña niamabwambu jenu akayisañula?

Namanishi iku kudiza dalelu ha:

Yuma Yimukwila

Neyi kudi muntu wunafwishi ntaña yindi hela ibwambu dindi, mukubabala mulejenuku nsañu yakuchiñeja kwakusañuka.

Yikwawu:

Your other goal

ILUKILENUHU NSAÑU YIKWAWU

Ilukenu nsañu yikuyikwasha kuumika neyi munafwishi.

“Ifingafwa Abafwililwe” (Loleni! Na. 3 2018)

Komana yishina yamuBayibolu mwamweni yinateli kukwasha muntu wunafwishi?

Neyi Muntu Imwakeña Nafwi (5:06)

Chumanyi chinateli kukwasha anyana kuumika neyi ntaña yawu hela ibwambu dawu nafwi?

Ifutu Danyiloña (2:07)

Kudihu antu akasañulawu nakuya mwiwulu? Anyi akabula kusañulawu?

“Kusañuka Kwatalisha Mudihi?” (Chibaaba chahaIntaneti)