• Chitunateli Kufuukula Chiwahi
    Munateli Kwikala naMuzañalu Haya Nyaaka!—Kudiza Bayibolu Chakuhanjeka

    • 5. Lemeshenuña yinleji yamuchima yawakwenu

      Antu ejima hiyanateli kufuukula mwomumuku. Tunateli kumwekesha ñahi netu twalemesha yinleji yawakwetu? Talenu iyi yakutalilahu yiyedi:

      Chakutalilahu chatachi: Muhela wakeña jakudipentapenta nabuukili muchipompelu mudi ahela abula kukeña jakudipentapenta.

      Tañenu ARoma 15:1 ni 1 AKorinda 10:23, 24, kuhiñahu hanjekenu hanawa malwihu:

      • Kushindamena hanawa mavasi, chumanyi chatela kwilayi iwu muhela? Munateli kwila ñahi neyi mudi namuntu wudi nachinleji chamuchima chamukaanishaña kwila yuma yetejaña chinleji chenu kwila?

      Chakutalilahu chamuchiyedi: Manakwetu weluka nindi Bayibolu hiyakaanisha kunwa walwa wamwesekaku, ilaña wafuukulahu kubula kunwa walwa. Anamutambiki kuchawija nawa namoni amanakwetu anakunwa walwa.

      Tañenu Mukwakutañisha 7:16 niARoma 14:1, 10, kuhiñahu hanjekenu hanawa malwihu:

      • Kushindamena hanawa mavasi, chumanyi chatela kwilayi iwu manakwetu? Munateli kwila ñahi neyi mumona muntu nakwila yuma yakaanisha chinleji chenu chamuchima kwila?

      Yumanyi yinateli kuyikwasha kufuukula chiwahi?

      Iwu mumbanda nakulomba.

      1. Mulombenu Yehova ayikwashi kufuukula yuma yimwatela kwila.—Yakoba 1:5.

      Iwu mumbanda yowumu nakusandujola kuzatisha Bayibolu, nyikanda yashindamena haBayibolu nikompyuta.

      2. Sandujolenu muBayibolu nimunyikanda yashindamena haBayibolu kulonda muwani yishina yinateli kuyikwasha. Munatali cheñi kwihula akaKristu apama.

      Iwu mumbanda yowumu nakutoñojoka.

      3. Toñojokenu hayuma yikufuma mukufuukula kwenu neyi yikuneñesha chinleji chenu chamuchima niyinleji yawakwenu hela nehi.