⁸ Mwanta niyena wabalumukili mumuchima chatiyiliyi nsañu yaYona. Chatiyili woma wakwakama Nzambi, wanyamukili hetanda dindi, wavuulili ihina dindi dawanta, wavweli chikeleyi neyi chavwaliluwu antu jindi, nawa “washakamini mumawuti.” Mwanta “niayilolu jindi” abidikili nakukolesha nawu antu ejima ajiñi nanzala. Wahosheli nindi antu ejima avwali yikeleyi, kushilahu niayimuna.b Wetejeli nakudizoza nindi antu jindi avulumwineña hakwila yuma yatama nimadombu. Mwanta wakuhweleleli nindi Nzambi walala wukuyitiyila luwi neyi yamona nindi anabalumuki mumuchima, hakuhosha nindi: “Nzambi wakabalumuka . . . akaleki kuzuwa kwindi kunasweji, kulonda tubuli kujilumuka.”—Yona 3:6-9.