-
Antu Ashimwinaña, Akwakushimwina Adihanaña naMuchima WumuWanta waNzambi Wunakuyuula!
-
-
Kufwana muntu wazañaleli hakuwana chuma chalema chaswekawu, akwaKristu azañalala muloña awana chalala chaWanta (Talenu paragilafu 20)
20. Indi chishimu chaYesu chachuma chalema chaswekawu chamwekeshaña ñahi chovwahilañawu atumbanji twindi kufumba kwakwila nawu kusambila kukeña Wanta?
20 Yesu welukili nindi atumbanji twindi akwovwahilaña lushimbi lwayilejeliyi lwakusambila kukeña Wanta. Shinshikenu hachishimu chindi chachuma chalema chaswekawu. (Tañenu Matewu 13:44.) Iwu ndimi wamuchishimu, chazatileñayi mudimu windi wawanini chuma chalema chaswekawu, hohenohu welukili kulema kwachu. Chumanyi cheliliyi? “Hamuloña wamuzañalu, hakuya nakulandisha yuma yejima yikwetiyi nakulanda oyu mpata.” Chumanyi chitukudizilaku? Neyi tuwana chalala chaWanta nikwiluka chichalema, twazañalalaña nawa twazataña hakumina ñovu yetu kulonda tusambileña kukeña Wanta muchihandilu chetu.d
-
-
Antu Ashimwinaña, Akwakushimwina Adihanaña naMuchima WumuWanta waNzambi Wunakuyuula!
-
-
d Yesu wahosheli hachikuma chochimu muchishimu chindi chamukwakulanda nakulandulula wendaña wayili nakukeñekeña mperola yasweja wuseya. Mukwakwenda chawaniniyi mperola, hakulandisha yuma yadiñiyi nayu yejima, hakuyilanda. (Mat. 13:45, 46) Iyi yishimu yiyedi yinakumwekesha nawu tunateli kudizila chalala chaWanta munjila jashiyashana. Amakwawu ashikenaña dakudiza chalala, amakwawu achikeñakeñaña. Hichikweti muloña nachitwadizili chalalaku, ilaña twadihana namuchima wumu kulonda tusambileña kukeña Wanta muchihandilu.
-