-
Zañalalenu naMudimu Wenu Wumunakabakeni‘Shakamenu Mukukeña kwaNzambi’
-
-
6, 7. Ijinanyi dadiwahi dakudikita hadi mpinji yayilehi dikwetiyi Yesu?
6 Yesu wekala nejina dadiwahi dakukalakala nakudikita hadi mpinji yayilehi nankashi. Henohu kanda yenzi hamaseki, wadiña “mukalawenu” waNzambi hakuleña yuma yejima “yamumawulu niyahamaseki.” (Yishimu 8:22-31; Akolose 1:15-17) Hampinji yadiñayi hamaseki, Yesu watwalekeluhu kwikala mukwakukalakala wadikita. Kufuma kuwansi, wadizili mudimu wakutuña, nawa amwilukili nawu “mukwakusoña.”a (Maku 6:3) Iwu himudimu wakola chikupu nawa wakeñekaña kwiluka nyidimu yayivulu, sweje-e hayina mpinji yikwabulili matala akupulilamu mbawu, masitolu nimakina akesi kawuneñu. Komana munateli kufwikija Yesu nakudipulila mbawu yomweni, hadaha nikutema nyitondu nikuyikuba nakuyitwala kwiluña kunakuzatilayi? Munateli kumufwikija Yesu nakutuña matala, kupanjika matala, kusoña mapitu, nikusoña yitwamu yikwawu? Chakadi nikujina, Yesu watiyili muzañalu wafumaña mumudimu wunazatewi chachiwahi.
-
-
Zañalalenu naMudimu Wenu Wumunakabakeni‘Shakamenu Mukukeña kwaNzambi’
-
-
a Izu dachiGriki dabalumunawu “mukwakusoña” dalumbuluka nawu “hiizu dazatishañawu hakutena muntu wapulaña mbawu chili watuñaña matala hela kusoña yitwamu niyuma yikwawu yatuñañawu nambawu.”
-