-
“Yenu Mwakelishi. . . Atumbanji”‘Inzaku Wiikali Mukakunlondela’
-
-
12 Yesu wayidizishili cheñi atumbanji twindi kutondolwelela yuma yabula kulema yaluwañeshaña. Wahosheli nindi: “Bayi mwimusha muntu wudi wejima munjilaku.” (Luka 10:4) Komana Yesu wayilejeleña nindi abuleña kuhanjeka nawantu? Inehi. Bayi neyi kunyima akuminineña dakwimusha nawu handenu mwani hohuku. Adiña nakulondela yidika yayivulu nikuhanjeka mpinji yeneni. Muntu wumu wadiza chikupu jaBayibolu wahosheli nindi: “Antu akumusela hiyadimushileña neyi chitwadimushaña etu, chidi neyi kunoñama chanti, hela kudipaka mumakasaku, ilaña adiña nakudikumbata kakavulu, kunoñama nikukaama hamaseki. Yuma yejimiyi yakeñekeleña mpinji yeneni.” Hakuyileja atumbanji twindi nindi bayi emushaña neyi chemusheleñawu antu ejimaku, Yesu wahosheli nindi: “Mwatela kuzatisha chiwahi mpinji yenu, nsañu yimunakushimuna mwatela kuyishimwina mukunyakashana.”b
-
-
“Yenu Mwakelishi. . . Atumbanji”‘Inzaku Wiikali Mukakunlondela’
-
-
b Kaprofwetu Elisha niyena wahanini nshimbi jadifwanaku. Hampinji yamutemesheliyi kambuñindi Gehazi kudi mumbanda wafwishili mwanindi weyala, Elisha wamulejeli nindi: “Neyi wuwana muntu munjila, bayi wumwimushaku.” (2 Anyanta 4:29) Nsañu yendeleleñayi yadiña yalema, hateleleli kulabaku.
-