• Dizilenu Kudi Apostolu Ayesu Adiña Atona
    Kaposhi Kakutalila—2012 | January 15

    • 8, 9. Chumanyi chitwatela kudizila kunsañu yahosha halwendu lwaPawulu?

      8 Yumanyi yitunateli kudizila muniyi nsañu? Ilukenu nenu cheliliyi Pawulu nindi yoyi kuAsiya spiritu yaNzambi yamulekesheli. Cheñi, chashikiliyi Pawulu kwakwihi naBitiniya Yesu wamulejeli mwakwilila. Nkumininaku, cheliliyi Pawulu nashiki dehi kuTirowasi, Yesu wamulejeli kuya kuMasidoniya. Chineli Yesu diyi Mutu wachipompelu, nateli kutulombola munjila yoyimu. (Kol. 1:18) Chakutalilahu, hadaha munakutoñojoka kuzataku wupayiniya hela kuya kwiluña kudi kukaankila kweneni kwawakwakushimwina. Yesu nateli kuyilombola naspiritu yaNzambi neyi muzatila hayuma yimunakukeña kwila. Chakutalilahu: Ñendeshi nateli kuteñulula motoka yindi nakubalumukila kuchimunswa hela kuchidiilu chiña neyi motoka yinakwenda. Munjila yoyimu, Yesu nateli kutulombola kuzata chikupu mumudimu wetu wakushimwina chiña neyi tushimwinaña, kuzata nañovu kulonda tushikiji chikonkwanyi chetu.