Kufwa kwaYesu Kwatwamwinaña Ñahi?

Twavulumunaña, twakabakanaña nikufwa muloña eyala namumbanda atachi aAdama naEva adikañili naNzambi.a Ilaña iyi yuma yikatwalekahu wanyi. Yehova watuloñeshela njila yakutukuulilamu kwishiñu danshidi nikufwa kuhitila mudi Mwanindi, Yesu Kristu. Bayibolu yadizishaña nawu Yesu chafwiliyi, wahanini ifutu danyiloña. Ifutu danyiloña hiwufwetu wahanañawu hakwila akuuli nachu muntu. Wufwetu wahaniniyi Yesu hiwumi windi wawanina. (Tañenu Matewu 20:28.) Yesu chahaniniyi mukudikeñela wuswa windi wakushakama hanu hamaseki haya nyaaka, watwenzunwinini njila yakwikala cheñi nayuma yejima yajimbesheliwu aAdama naEva. Yesu wamwekesheli cheñi chatukeñayi yena niYehova. Akunu kudiza, kukuyikwasha kwikala namuchima wakusakilila chikupu kufwa kwaYesu.

1. Kufwa kwaYesu kwatukwashaña ñahi makonu?

Chineli tudi akanshidi, twelaña yuma yayivulu yamuneñeshaña Yehova. Hela chochu, neyi tubalumuka chikupu mumuchima, tumulomba Yehova kuhitila mudi Yesu Kristu netu atwanakeni nawa tuleka kwila yuma yatama yitwakoñeleña, tukwikala nawubwambu wakola naNzambi. (1 Yowanu 2:1) Bayibolu yahosha nawu: “Kristu wafwili kamu hohu kukoola nshidi, muntu waloña wafwilili antu abula kuloña, kulonda yayilomboli kudi Nzambi.”—1 Petulu 3:18.

2. Kufwa kwaYesu kukatukwasha ñahi kumbidi?

Yehova wamutemesheli Yesu kwinza nakuhana wumi windi wawanina “kulonda muntu wejima wukumukuhwelela [Yesu] akabuli kujilumuka, ilaña akekali nawumi wahaya nyaaka.” (Yowanu 3:16) Muloña wachuma cheliliyi Yesu, katataka Yehova afumishihu yuma yejima yatama yaleteliyi Adama muloña wakudikaña. Ichi chinayi mukwila nawu neyi tukuhwelela mumulambu waYesu twakashakama haya nyaaka muparadisa hamaseki.—Isaya 65:21-23.

SANDUJOLENU CHIKUPU

3. Kufwa kwaYesu kwatukuulaña kunshidi nikufwa

VIDIYO: Muloñadi Chafwililiyi Yesu?—Chibalu 1 (2:01)

• Kukoolekanyi kwajimbesheliyi Adama chadikañiliyi naNzambi?

Tañenu ARoma 5:12, kuhiñahu hanjekenu hanilu lwihu:

• Nshidi yaAdama yayiletela kukalanyi?

Tañenu Yowanu 3:16, kuhiñahu hanjekenu hanilu lwihu:

• Muloñadi Yehova chamutemesheleliyi mwanindi heseki?

1. Adama wadiña muntu wawanina wadikañili naNzambi nawa muloña wachumichi, antu avulumunaña nikufwa

2. Yesu wadiña muntu wawanina wamwovwahilili Nzambi nawa muloña wachumichi, antu akekala awanina nawa akashakama haya nyaaka

4. Kufwa kwaYesu kunateli kukwasha antu ejima

VIDIYO: Muloñadi Chafwililiyi Yesu?—Chibalu 2 (2:00)

• Kufwa kwamuntu wumu kunateli kukwasha ñahi antu ejima?

Tañenu 1 Timotewu 2:5, 6, kuhiñahu hanjekenu hanilu lwihu:

• Adama wadiña muntu wawanina ilaña chineli wavulumwini antu ejima avulumunaña nikufwa. Yesu wadiña muntu wawanina neyi chadiñayi Adama. Hanu chumanyi cheliliyi Yesu?

5. Ifutu danyiloña hichawaana chayinkayi Yehova

Amabwambu jaYehova amonaña ifutu danyiloña nawu hichawaana chayinkayi hamuntu-hamuntu. Chakutalilahu, tañenu AÑalija 2:20, kuhiñahu hanjekenu hanilu lwihu:

• Kapostolu Pawulu wamwekesheli ñahi nindi wamweneña ifutu danyiloña nindi hichawaana chamwinkeliwu?

Chavulumwiniyi Adama, yena nianyanindi ejima ayifuukwilili kufwa. Ilaña Yehova watemesheli Mwanindi nindi afwi kulonda enu mwakekali nawumi wahaya nyaaka.

Chimukutañaña mavasi analondelihu, fwikijenu chatiyileñayi Yehova hampinji yakabakeneñayi Mwanindi. Tañenu Yowanu 19:1-7, 16-18, kuhiñahu hanjekenu hanilu lwihu:

• Munatiyi ñahi hakwiluka chuma chayikoñelayi Yehova niYesu?

YUMA YIMUNADIZI

Kufwa kwaYesu kwamuleteshaña Yehova kutwanakena nshidi jetu, nawa kukatukwasha kwikala nawumi wahaya nyaaka.

Kuhitulukamu

• Muloñadi Yesu chafwililiyi?

• Munjilanyi wumi waYesu wawanina muwekalilili ifutu danyiloña dakukuula nachu antu?

• Kufwa kwaYesu kunateli kuyikwasha ñahi?

ILUKILENUHU NSAÑU YIKWAWU

Talenu wumi waYesu wawanina chawutenenañawu nawu ifutu danyiloña.

“Mulambu waYesu Wekaliladi Ifutu Danyiloña Dakukuula Antu Amavulu?” (Chibaaba chahaIntaneti)

Talenu yuma yitwatela kwila hakwila atwamwini.

“Munjilanyi Mwamwinañayi Yesu?” (Chibaaba chahaIntaneti)

Komana Yehova nateli nikwanakena nshidi yasweja?

“Malwihu amuBayibolu Anayakuli” (Kaposhi Kakutalila, May 1, 2013)

Talenu kudiza hamulambu waKristu chikwamukwashili iyala wumu kuhimpa yilwilu yindi.

“Hinidi Cheñi Nduñu waMadombuku” (Chibaaba chahaIntaneti)