• “Toñojokenu Chikupu Hadi Muntu Womikili”
    ‘Inzaku Wiikali Mukakunlondela’

    • ‘Londelenuña Chikupu muMahaji Indi’

      20, 21. Kutalisha hachilwilu chakuumika, chumanyi chakeñañayi Yehova kudi etu, nawa twatela kufwila kwiladi?

      20 Yesu welukili nindi kwikala akakumulondela hichuma chakala, chakeñekaña kuumika. (Yowanu 15:20) Wadiloñesheli kwikala womika muloña welukili nindi neyi omika wukukolesha antu amakwawu. (Yowanu 16:33) Kafwampi, Yesu womikili muyuma yejima, ilaña etu hitukutweshaku, muloña twawanina wanyi. Indi Yehova wakeñaña nindi twileñadi? Petulu walumbulula nindi: “Kristu niyena wakabakeni kukoola enu, nakuyishila chakutalilahu kulonda enu mulondeleña chikupu mumahaji indi.” (1 Petulu 2:21) Kwesekeja nacheliliyi nakweseka kwamweniyi, Yesu watushila “chakutalilahu” chakuumika chitwatela kwimbujola.a Kuumika kwindi anateli kukwesekeja ‘namahaji.’ Hitunateli kulondela munawa mahaji chakadi kuluwañeshahuku, ilaña tunateli kulondelamu “chikupu.”

  • “Toñojokenu Chikupu Hadi Muntu Womikili”
    ‘Inzaku Wiikali Mukakunlondela’

    • a Izu dachiGiriki dabalumunawu nawu “chakutalilahu,” muchiGriki daya mukwila nawu “kulondeja yuma yinasonekiwu.” Kapostolu Petulu diyi hohu nsoneki waNyikanda yawakaKristu yachiGiriki wazatisha idi izu dashimunawu nawu datalisha mukwila nawu “yuma yinasonekiyi ntañishi mumukanda wamwana yatela kukopololayi chikupu mwana kwesekeja nachinayisonekiwu.”