Kamina 119
Twayenu! Munooki
Kakupulinta
1. Tudi mwituña datama dabula
Kwiluka njila jaNzambi.
Twakeñaña wunlomboli walala;
Kulonda twendi chiwahi.
Kupompa kwatukoleshaña konda
Tumukuhweleli Nzambi,
Kwatukwashaña kwila mwamuwahi
Kulonda tutwalekuhu.
Bayi tufumpa nshimbi jaNzambuku;
Twilenu nkeñelu yindi.
Kupompa kwatulejaña mwaloña;
Konda tukeñi chalala.
2. Yehova weluka yitwakaankila;
Twatela kumwovwahila.
Twikaleña nampinji yakupompa
Tukuhweleli Mazwindi.
Antu ashinshika atulejaña
Chakukuhwelela Nzambi.
Chineli ana kwetwa tukwashaña,
Hitwekala nkawetuku.
Chitunakuchiñeja paradisa,
Tupompeña nawakwetu,
Kulonda twiluki chakuzatisha
Maana afuma mwiwulu.
(Talenu cheñi Mas. 37:18; 140:1; Yish. 18:1; Efwes. 5:16; Yak. 3:17.)