Kutachika muSeptember, Mukanda Wakupompa waChihandilu niMudimu mukwikalaña mutu wawuha wachitwatela kuhosha ‘waDizishenu Antu Chalala.’ Nkeñelu yidi yakushimuna chalala chamuBayibolu kuzatisha lwihu ninsona.

Neyi wudi nampwila, tukumusañumuna kulonda twakafuntiliku kuhitila mukumushila mukanda hela kumutalisha vidiyo yaha jw.org. Twatela kufuntilaku swayi swayi nakuhanjeka nindi. Iyi njila yayiha yakuhoshelamu nawa yampanji yawatudizi amushikola yakashindamenaña hakapetulu kanehihishiwu kamukanda waYumanyi Yatudizishaña Bayibolu? Tukuwanañamu malwihu amakwawu nijinsona jikutukwashaña kufuntila hela kulombola kadizi kuzatisha hohu Bayibolu.

Kudi hohu njila yimu yaya kuwumi. (Mat 7:13, 14) Chineli twahanjekaña nawantu amunsakililu niyisemwa yamboka-mboka, twatela kushimuna nsañu yalala yamuBayibolu kulonda yiyishiki antu hamuchima. (1Ti 2:4) Chitweluka nsañu yayivulu yamuBayibolu nikuwahishaku njila jetu jakushimwininamu “nakulumbulula mazu ansañu yalala mwayawu mwayawu,” muzañalu wetu wukusweja nawa tukudizishaña chiwahi antu chalala.—2Ti 2:15.

Antu mukaayi kejima anakukeña kuyikundeja. (Muk 4:1) Mukakweji kejima kaSeptember, twakazata nañovu kulonda twakahani Kaposhi Kakutalila kakekala namutu wakukundeja. Hanenu iyi magazini kumaluña ejima. Chineli tunakukeña kuhosha nawantu kanwa nakanwa kulonda tuyikundeji, hitwakashiyaña magazini hamatala hanabuli antuku.

CHIMWATELA KUHOSHA

“Wejima wetu twakeñaña kutukundeja. Hanu dinu kudihi kutunateli kuwana nsañu yakutukundeja? [Tañenu 2 Akorinda 1:3, 4.] Ayinu magazini yaKaposhi Kakutalila yinashimuni chatukundejañayi Nzambi.”

Neyi muntu yamwekesha mpwila nawa yatambula magazini, . . .

MUTALISHENU VIDIYO YAMULOÑADI WUTWATELA KUDIZILA BAYIBOLU?

Kuhiñahu tachikenu kudiza nindi Bayibolu.

HOSHENU MAZU AKULETESHA MWAKAFUNTILIKU

Ihulenu lwihu lumwakakula himwakafuntaku, chidi neyi “Muloñadi Nzambi chetejelayi makabi?”