KUDIZA 1

Ntachikilu Yayiwahi

Yilwilu 17:22

CHIKUMA: Mazu imukuhosha hakutachika atela kusañumuna antu, nikuyikwasha eluki nsañu yimunakuhosha nawa antiyilili jenu atela kwiluka oyu nsañu chiyalemena.

CHAKWILA:

Yisañumunenu. Tondenu lwihu, mazu, chuma chamwekeni hela nsañu yahoshawu hachikuzulemba yikutiyisha kuwaha antiyilili jenu.

Henohu kanda, toñojokenu chadimu yuma yakeñawu antiyilili jenu nikukala kukwetiwu kulonda mwiluki chimukutachika.
Shimunenu mutu wansañu. Zatenu nañovu kulonda ntachikilu yenu yidishi mutu wansañu nawa antiyilili eluki chuma chinaleteshi muhoshi hanoyu nsañu.
Shimunenu chinalemeni mutu wansañu. Himpenu mazu kulonda muhoshi nsañu yikukwasha antiyilili. Atela kwiluka chikupu nsañu chiyinateli kuyikwasha halwawu.

Neyi munakuloñesha mpanji, dihulenu nenu, ‘Kukalanyi kunakumonawu amanakwami niahela muchipompelu chetu?’ Kuhiñahu, himpenu ntachikilu kulonda yesekani nakukala kukwetiwu.