Kulumbulula Chiwahi Munatalishi Nsona

Yowanu 10:33-36

CHIKUMA: Bayi mukumina dakutaña nsona nakuya hachikuma chikwawuku. Mwatela kukwasha antiyilili jenu amoni kunuñañana kudi hansona yimunatañi nachikuma chimunakuhoshahu.

CHAKWILA:

• Nonenumu mazu amaneni. Neyi munatañi dehi nsona, hoshenu hamazu anesekani chikupu nachikuma cheneni. Munateli kwila mwenimu kuhitila mukuyitaña cheñi hela kwihula lwihu lukuletesha antiyilili jenu amoni mazu amaneni.

• Konkomwenenu hachikuma cheneni. Neyi muleta nsona nawa mushimuna chinaleteshi mutañi oyu nsona, lumbululenu chinanuñañani mazu amaneni adi munsona nankeñelu yinaleteshi muyitañi.

• Nuñañeshenu nsañu munjila yapela. Bayi muhosha hansañu yabula kutelela yikuletesha chikuma chibuli kutiyakanaku. Kushindamena hayuma yelukawu dehi antiyilili jenu hanoyu nsañu, sakulenu yikuma yimukuhosha yikuletesha chikuma chitiyakani kudi antu nawa eluki muchinatalishi.