“Hitwazeyañaku”

4:16-18

Fwikijenu yisaka yiyedi yinakushakama mwitala dimu dinashimbuli nawa dafwa. Chisaka chimu chinakudakamena nankashi. Ilaña, chisaka chikwawu chidi namuzañalu. Muloñadi? Muloña chisaka chamuchiyedi keña chibuukili mwitala dadiwahi.

Hela chakwila “yileñaleña yejima yinakwaaba nikukabakana nanyisoñu kushika nikulelu,” ambuña aNzambi akweti kuchiñeja kwayinkaña muzañalu. (Rom 8:22) Tuneluki netu antu anatuyandishi hadi yaaka yayivulu nikukala kutunakumona, “kwakapinji kantesha nawa kwapepela” neyi tukwesekeja nawumi wahaya nyaaka wutukekala nawu mwituña dadiha. Kusha muchima hayuma yayiwahi yikatwililia Wanta kukutukwasha kwikala namuzañalu nikubula kuzeya.