KUDIZA 7

Kuzatisha Nsañu Yalala Yikushika Antu haMuchima

Luka 1:3

CHIKUMA: Hoshenu wunsahu walala kulonda antiyilili jenu eluki chikuma chimunakuhosha.

Keñenu wunsahu walala. Shindamenenu Hezu daNzambi, nawa mwatela kuditaña mpinji yejima. Neyi munakuhosha hasayansi, hansañu yahanyuzi, chuma chamwekeni hela wunsahu wukwawu walala, sandujolelenu chadimu kulonda mwiluki neyi yalala nawa yichidi kuzatika.
Zatishenu chiwahi kunafumi nsañu. Zatishenu nsona kwesekeja nansañu yimunakuhanjekahu, nsañu yejima yamuBayibolu ninyikanda ‘yanduñu wamaana nikashinshi.’ (Mat. 24:45) Neyi munakuzatisha nsañu yabula kwikala yamukuloñesha, yatela kwesekana namwatalishiliyi nsoneki hela nankeñelu yindi.

Bayi mulebumuna nsañu nimanaambaku. Neyi anasoneki nawu “antu amakwawu” enu bayi muhosha nenu “antu amavuluku,” “mpinji yikwawu” enu nenu “mpinji yejima” nawa “hekwawu” enu nenu “chakadi nikujina.”
Ihulenu malwihu akushindamena hawunsahu. Neyi munatañi dehi nsona hela munateni kunafumi nsañu, ihulenu malwihu mukubabala hela hanenu chakutalilahu kulonda antiyilili akunkululi chikuma awenawu.