Munafumi Nsañu Yakuzatisha muChihandilu niMudimu Wanetu AkwaKristu Mukanda waKupompa
JANUARY 4-10
YUMA YALEMA YAMWIZU DANZAMBI | ALEVI 18-19
“Ikalenuña naYilwilu Yayiwahi”
Chitunateli Kudikiña Kunyihetu yaSatana
Hakushimuna yilwilu yatama yakoñeleña nyuza yashakamineña kwakwihi, Yehova wayilejeli aIsarela nindi: “Mwelañawu mwituña daKenani munukuyitwala, bayi mwakelaña mwokuku. . . . Ituña dineli dehi damajilu dichi chinukushikijilamu kuluwa kwadu.” Kudi Nzambi yawaIsarela wajila, chihandilu chawaKenani chadiña chatama chakwila ituña mwashakamineñawu dekalili damajilu, datamini chikupu.—Lev. 18:3, 25.
Yehova Walombolaña Antu Jindi
Awa anyanta ashinshika ambukiliku chikupu nawanlomboli amakwawu adiña nakulombola nyuza yikwawu, amayala adiña nakulondela maana niyitoñojoka yawantu. MuKenani, antu adiña nakukoña yuma yatama yidi neyi yishimashima, wuvumbi weyala neyala, kukama atunyama, kulambula anyana nikupesha. (Lev. 18:6, 21-25) Kubombelahu, anyuuli awaBabiloni niawaEjipitu alondeleli wanyi nshimbi jayinkeliyi Nzambi aIsarela kutalisha hawunyonji. (Kuch. 19:13) Kwambukaku, antu jaNzambi akunyima amweni anlomboli ashinshika chakwashiliwu antu kwikala akadi majilu kuspiritu, muyitoñojoka nikumujimba. Mwamweni, Yehova wadiña nakuyilombola.
Nzambi Chikelayi naKutama
Indi ana antu abulaña kuhimpa yilwilu yawu nawa atwalekañahu nakwila yuma yatama? Toñojokenu hanichi chikaninu: “Akwakwoloka diwu akashakama mwituña, antu alala diwu akashalamu. Hakwila antu atama akayifumisha mwituña antu akwatilaña akwawu makasu akayibwitamu.” (Yishimu 2:21, 22) Yilwilu yatama yawantu akayifumishamu. Mwituña dadiha antu ovwahila akayisubula kunshidi yaswanawu.—Aroma 6:17, 18; 8:21.
Yuma Yalema yakuSpiritu
w06 6/15 22 ¶11
“Nshimbi Jeyi O Chinajikeña!”
Chuma chamuchiyedi chadiña muNshimbi yaMosi chamwekesheleña Nzambi chakamenañayi antu jindi, hiwuswa wakunonojola. Yehova wayilejeli aIsarela nindi neyi hiyakwañula yakuda yawu ateleli kwiteja antu akankila kunonojola yashalileñamu. Andimi hiyayitejeli kwañula chikupu nyisoña yeha dawu hela kukumuna nyivinyu yashalili shalileñamuku. Hiyafuntileña nakusenda yiita yatidiku yavulameneneñawu mwihaku. Iyi ntanjikilu yawahileña muloña yakwashileña atuzweñi, enyi, anshona, niantuluwa. Hela chochu, kunonojola kwakeñekeleña kuzata nañovu kulonda abuleña kuya nakulomba-lomba.—Alevi 19:9, 10; Kuhituluka 24:19-22; Masamu 37:25.
JANUARY 11-17
YUMA YALEMA YAMWIZU DANZAMBI | ALEVI 20-21
“Yehova Wambulañahu Antu Jindi”
w04 10/15 11 ¶12
Paradisa
Hela chochu, kudi chuma chitwatela kubula kudiwula. Nzambi wayilejeli aIsarela nindi: “Dichi dinu mwakahembaña kuleja kwejima kunakuleji lelu, kulonda mwakakoli, mwakeñili nakuheta ituña dimukuzambuka nakuheta.” (Kuhituluka 11:8) Ha Alevi 20:22, 24, atenahu cheñi dodenidi ituña nawu: “Dichi dinu kahembenuña yidika yami yejima nawuñaji wami wejima nakwilamu; kulonda ituña dinukuyitwala nakushakama dakabuli kuyisanza. Ami nayilili dehi nami Enu mwakaswana ituña dawu, nakayinkadu mwakadiheti, ituña datuloña twamayeli nawuchi.” Mwamweni, hakwila atambwili Ituña daChikanini chashindameneni hakwikala nawubwambu wawuwahi naYehova Nzambi. Hamuloña wakwila aIsarela akañenyi kumwovwahila, Nzambi wetejeli aBabiloni kuyishinda nawa ayifumishili mumatuña mwashakamineñawu.
it-1 1199
Wuswana
Hichuma chidi chejima chaswanañayi muntu kudi ntaña yindi wunafwi; hela chuma chejima chaswanañayi muntu kufuma kudi nkakulula yindi. Izu dachiHeberu dazatishawu nawu na·chalʹ (a·chalahʹ). Dabombelamu kutambula hela kuhana wuswana, kakavulu himukuswana. (Kuc 26:55; Eze 46:18) Izu dakwila nawu ya·rashʹ kakavulu adizatishileña kudi “nswana” ilaña kakavulu adizatishileña, ‘kukuswana yuma’ kwambukaku nakusinsa. (Kut 15:3; Lev 20:24) Datalisha cheñi “kukutambula; kujilumuna,” munabombeli ñovu yazatishañawu amashidika. (Kuh 2:12; 31:3) Mazu achiGiriki akundama kuwuswana atalisha kwizu dakwila nawu kleʹros, hakusambila datalishili kuyuma “yayivulu,” cheñi denjili nakutalisha “kumudimu” [iseka] windi nawa nkumininaku denjili nakutalisha “kuwuswana.”—Mat 27:35; Yil 1:17; 26:18.
it-1 317 ¶2
Atujila
Hanyima yadibanji daNowa, Nowa walambwili “atujila ejima akadi majilu” hamu nawanyama. (Kut 8:18-20) Nzambi wayitejeli kuda atujila chakala hohu mashi anayimwañi. (Kut 9:1-4; esekejenu Lev 7:26; 17:13.) Tujila tukwawu atwimweneña haniyi mpinji nawa twadiña twakadi majilu muloña atwitejeli kwikala nyilambu; wunsahu wamuBayibolu wamwekeshaña nawu, kutalisha hansañu yakuda tujila, kwosi kajila kamweneñawu nawu kamajiluku kushika nimpinji yatachikili Nshimbi jaMosi. (Lev 11:13-19, 46, 47; 20:25; Kuh 14:11-20) Nsañu yamwekeshaña nawu tujila tukwawu “twamajilu” hiyatushimuna muBayiboluku. Hela chakwila, itu tujila twateneneñawu twadiña tujila twakwatanaña bayi neyi twejima twakwatanañaku. (Talenu SUSUTENU.) Iyi nshimbi ayifumishiliku chelili kwikali chitiyañenu chachiha nawa chelili Nzambi yamumwekesheli Petulu chimwenu.—Yil 10:9-15.
Yuma Yalema yakuSpiritu
it-1 563
Kuditapolatapola
Nshimbi jaNzambi jakaanishili kuditapola hanyijimba hansañu yamufu. (Lev 19:28; 21:5; Kuh 14:1) Chuma chaletesheli himuloña wakwila Isarela wadiña wajila waYehova, muza wambala. (Kuh 14:2) Muloña wachumichi, Isarela watelili wanyi kupesha kuchuma chidi chejima. Dichi kudila kwamuchidiwu kwakuditapola hamujimba kwateleleli wanyi kudi antu elukili chikupu chekalawu afu nawa akweti kuchiñeja kwakusañuka. (Dan 12:13; Heb 11:19) Cheñi, chayikaanishiliwu kutalisha kukuditapola chadi kumwekesha nawu alemesha yileñaleña yaNzambi dikwila nawu mujimba wamuntu.
JANUARY 18-24
YUMA YALEMA YAMWIZU DANZAMBI | ALEVI 22-23
“Yawija yahaYilaaka Chiyatukwashaña”
it-1 826-827
Chawija Chamankendi Akadi Iluñi
Ifuku datachi daChawija Chamankendi Akadi Iluñi, dadiña hifuku dakupompa kwakukana, cheñi daSabata. Hefuku damuchiyedi, haNisani 16, yiita yatachi yabali yakuñwileñawu yahakahilu, mbutu yatachi kuha muPalestine, ayileteleña kudi kapristu. Kutalisha kunichi chawija kwosi nyitu yaditidiku yituta, mankendi hela tidiku yakwocha, kufuma kumbutu yañwileñawu yetejeliwu kudaku. Kapristu walambwileña iyi mbutu yakahilu kudi Yehova muchifwikija kuhitila mukunyikesha chita chatidiku, nawa mukoku wamwaka wumu amulambwileña neyi mulambu wakushita hamu nawuña wakubomba manji nimulambu wakuhuñununa. (Lev 23:6-14) Kwadiña wanyi nshimbi yahosheleña nawu atela kwocha tidiku hela wuña hakameña, neyi chatachikili kwilawu atupristu mukuhita kwampinjiku. Bayi neyi iyi ntanjikilu yakuhana mbutu yakahilu yadiña hohu yamuzaku, ilaña kwadiña cheñi ntanjikilu yakwila nawu chisaka hichisaka nimuntu wudi wejima wadiña namaheta muIsarela watela kuhana nyilambu yakusakilila haniyi mpinji yachawija.—Kwi 23:19; Kuh 26:1, 2; talenu NYIKABU YAKAHILU.
Kulema. Kuda mankendi akadi iluñi kwendeleleña hamu nanshimbi jamwinkeliwu Mosi kudi Yehova neyi chasonekawu haKwidika 12:14-20, sweje-e neyi chinashimuniwu muvasi 19: “Mafuku atanu nayedi himwakamwekanaña iluñi, mumatalenuku.” HaKuhituluka 16:3 mankendi akadi iluñi ayitena nawu “himankendi ayihuñu,” nawa ayanukishileña aYudeya hachaka-hachaka chayifumishiliwu mwituña daEjipitu (hampinji yabuliliwu mpinji yakutuña chikanka chamakendi awu [Kwi 12:34]). Anukileña yihuñu kwayifumishiliwu aIsarela neyi chochahosheliyi Yehova yomweni nindi, “kulonda hamafuku ejima iwakahandaña wakaanukaña ifuku diwafumini mwituña daEjipitu.” AIsarela chelukiliwu nawu muza wawu wasubuka nawa nawu Yehova diyi Chamwinu chawu chaletesheli atachiki kwanakana yawija yamaneni yisatu hachaaka.—Kuh 16:16.
it-2 598 ¶2
Pentekosta
Mbutu yatachi yatidiku yañwileñawu ayilileña chaambukaku nambutu yakahilu yabali. Mabañu ayedi awuña walembuluka (4.4 L; makwati 4 awuma) hamu neluñi adiña nakutuñamu mankendi ayedi. Ateleleli ‘kuyifumisha kumatala awu,’ dikwila nawu ateleleli kwikala neyi ana mankendi azatishileñawu kumatala awu, bayi akuzatisha kuyuma yajilaku. (Lev 23:17) Nyilambu yakushita ninyilambu yahanshidi ayitwatilileña hamu naniwu mulambu nawa nyilambu yakuwunda yadiña yizamba yanyikoku yiyedi. Kapristu wanyinkesheleña mankendi ninyikoku kumesu aYehova kuhitila mukusha makasa indi kwishina damakendi nidambinji yanyikoku nakuyinyikesha nakumwekesha nawu anamwinkiwu Yehova. Hanyima yakwila mankendi ninyikoku anayilambuli dehi, yekalileña yakuda yakapristu hamu neyi mulambu wakuwunda.—Lev 23:18-20.
Komana Munakwendela Hamu naKuloñesha kwaYehova?
Kuloñesha kwaYehova kwatukoleshaña nawa twovwahileña kufumba kwakapostolu Pawulu kwakwila nawu: “Tuditoñojokenu muntu himuntu, kulonda tusañumuni akwetu kukeñañana nakwila nyidimu yayiwahi. Bayi tuleka kupompa neyi chelañawu amakwawuku, chiña kudilejaleja, chisweji nankashi nanichi chimunamoni ifuku odu hidikwinza nakuswila kwakwihi.” (Heb. 10:24, 25) Yawija yahachaaka nichaaka nikupompa kukwawu kwayikwashileña aIsarela kwikala nachikuhwelelu chakola. Kubombelahu, yawija yidi neyi ‘Yawija Yamuyisolu,’ yelileñawu mumafuku aNehemiya yadiña yawija yakuzañalesha. (Kwid. 23:15, 16; Nehe. 8:9-18) Anetu twahetelaña mukupompa kwachipompelu, kwanyanya nikupompa kwankambi. Dichi twatela tupompeña chikupu kulonda twikali nachikuhwelelu chakola nikwikala namuzañalu.—Tit. 2:2.
Yuma Yalema yakuSpiritu
Hembenu Kashinshi Kenu
Ambuña aNzambi amwekeshaña ñahi kashinshi? Amwekeshaña kashinshi hakumukeña Yehova namuchima wawu wejima nawa chafumañamu, mpinji yejima elaña yuma yamutiyishaña Yehova kuwaha. Shinshikenu izu dakashinshi chadizatishawu muBayibolu. MuBayibolu, Izu dachiHeberu dakwila nawu “kashinshi” daya mukwila nawu kukola, kuwaha hela kubula ihuji. Chakutalilahu, aIsarela alambwileña nyilambu yawanyama kudi Yehova nawa Nshimbi yahosheli nawu atunyama ateleleli kwikala amawahi. (Lev. 22:21, 22) Antu jaNzambi hiyayitejeleña kulambula kanyama wabula mwendu, itu, disu hela wakataku. Yehova wakeñeleña nindi amulambuleña kanyama wakola, wamuwahi hela wabula wufwayi. (Mal. 1:6-9) Tunateli kwiluka muloña waweni chakeñelañayi Yehova yuma yayiwahi hela yakadi wufwayi. Neyi tunakulanda chuma chidi chejima, chidi neyi mukabu, mukanda hela chozelu, hitwalandaña mukabu wakisika, mukanda watabuka hela chozelu chafwaku. Twakeñaña chuma chachiwahi, chakola hela chakadi wufwayi. Dichuma chakeñañayi Yehova kudi etu, wakeñaña nindi tumukeñi chikupu nikwikala ashinshika.
JANUARY 25-31
YUMA YALEMA YAMWIZU DANZAMBI | ALEVI 24-25
“Mwaka waJubili niKusubuka kwaKumbidi”
it-1 871
Kusubuka
Nzambi waKusubuka. Yehova hiNzambi wakusubuka. Wafumishili muza waIsarela muwuduñu muEjipitu. Wayilejeli nindi neyi ovwahilaña nshimbi jindi akwikala asubuka. (Kuh 15:4, 5) Davidi wahosheli ‘hakumwena’ kwakushakama chiwahi mumpwembu yaYerusalema. (Ms 122:6, 7) Hela chochu, Nshimbi yahosheli nawu neyi muntu nekali kazweñi wateleli kudilandisha yomweni muwuduñu kulonda yadikwashi yomweni nichisaka chindi. Ilaña kwadiña kusubuka kwashimwiniwu muNshimbi nawu kaHeberu neyi nakalakali dehi yaaka 7 wateleli kwikala wasubuka. (Kwi 21:2) Hamwaka waJubili (yekalileñaku mumwaka wa 50), kusubuka akubidikileña mumaluña mwejima mwashakamineñawu antu. KaHeberu wejima wadiña nduñu amumbileñaku nawa muntu wejima wafuntileña kumpata yindi yawuswana.—Lev 25:10-19.
it-1 1200 ¶2
Wuswana
Chineli mpata ajihembeleña nawa yekalileña kufuma mwikiñu dimu nadikwawu, hiyayilandishileña lwejimaku. Kulandisha mpata kwashindameneni hakuvula kwambutu yedikileñamu, wuseya wakulanda washindameneña hayaaka yikekalilamu Jubili yikwawu, haniyi mpinji mpata ajifuntishileña kudi eni mpata jawu neyi chakwila ayilandulwili wanyi henohu kanda ashiki hamwaka waJubili. (Lev 25:13, 15, 23, 24) Ilu lushimbi lwabombelelimu nimatala adiña munyisumba yakadi mpwembu, ayimweneña hohamu namaha amumpata. Hakwinza itala dadiña mumusumba wampwembu, adilandulwileña neyi munahiti dehi chaaka chimu kufuma hadilandishiliwu, hampinji yidekalili damukwakulanda. Kutalisha hamatala adiña munyisumba yawaLevi, wuswa wakudilandulula watwalekelihu haya nyaaka muloña aLevi hiyadiña nawuswana wampataku.—Lev 25:29-34.
it-2 122-123
Jubili
Lushimbi lwaJubili neyi alovwahila lwakwashileña ituña kubula kumona kukala, neyi kunakumwekana makonu mumatuña amboka-mboka, mwakwila amakwawu atuzweñi amakwawu aheta. Antu aheta akwashileña ituña, muloña kwosi wakabakeneña nikuneña hamuloña wawuzweñi, ilaña ejima adishileñaku chikupu kuzatisha yikumba yawu hela maheta awu kulonda atwaleña ituña dawu hambidi. Yehova chasoñesheleñayi iseki niyuma yadizishileñayi, aIsarela neyi ovwahila adiña nakudiluñisha nfulumendi yawanina niyuma yayiwahi yinateli kuleta hohu nfulumendi yawanta.—Isa 33:22.
Yuma Yalema yakuSpiritu
w09 9/1 22 ¶4
Neyi Anayihilishi
Neyi kaIsarela yakatisha mukwawu nawa yamulokola disu, Nshimbi yetejeli nawu owu muntu atela kumubabesha. Hela chochu, nshimbi hiyetejeli muntu anakatishiwu kumwila chatama wunamukatishi hela ntaña yindiku. Ilaña yashimwini nawu wateleli kutwala iyi nsañu kudi akwawuswa, dikwila nawu ansompeshi atondeliwu, kulonda atalihu chachiwahi. Antu akukula mazala helola chelukawu nawu mbanji hela muntu wamwila mukwawu chatama niyena amwila neyi chamwilayi mukwawu. Ilaña muniyi nsañu mwabombeleli jajivulu.
FEBRUARY 1-7
YUMA YALEMA YAMWIZU DANZAMBI | ALEVI 26-27
“Chakwikala naNkisu jaYehova”
Lekenu ‘Yuma Yamukunkulwayi’
Indi “Maheta” anateli kwikala ñahi neyi nzambi? Chakutalilahu, toñojokenu helola dadiña mwiha muIsarela wakushankulu. Ilola damuchidiwu atela kudizatisha hakutuña itala hela mbañu. Munjila yikwawu, neyi chakwila emikili “kaposhi kakupeshela” hela “chifwikija,” chekalileña chuma chakutuntwisha antu jaYehova. (Alevi 26:1) Munjila yoyimu, mali amawahi nawa kwekala njila yayiwahi mwakuyizatishila. Twakeñaña mali kulonda kudihemba nachu, nawa tunateli kuyizatisha chachiwahi mumudimu waYehova. (Mukwakutaŋisha 7:12; Luka 16:9) Ilaña neyi tufwilaña mali kubadika mudimu wetu wawakwaKristu, mali akwikala neyi nzambi yetu. (Tañenu 1 Timotewu 6:9,10.) Mukanu kaayi mudi antu alemesha kufwila mali, chiña tushaku kanshinshi chikupu hakwila nawu twikali nammwenu yayiwahi yamali.—1 Timotewu 6:17-19.
it-1 223 ¶3
Kutiya Woma
Antu amutiyileña Mosi woma nanochu chamuzatishileñawu kudi Yehova hakukoña nyidimu yamaneni (muchiHeberu., moh·raʼʹ) hamesu awantu jaNzambi. (Kuh 34:10, 12; Kwi 19:9) Antu adiña nachikuhwelelu ovwahilileña wunlomboli waMosi. Elukili nawu Nzambi wadiña nakuhosha nawena kuhitila mudi yena. Kutalisha kumalala aYehova, aIsarela adiña nakutiya woma. (Lev 19:30; 26:2) Chumichi chatalishili mukwila nawu, ateleleli kutiya malala indi woma, kudifukula kudi Yehova kwesekeja nachashimwiniyi nikulondela nshimbi jindi jejima.
w91 3/1 17 ¶10
Lekenu “Kuwunda kwaNzambi” Kuhembi Nyichima Yenu
Yehova walejeli muza nindi: “Neyi mukwenda muyidika yami nakuhemba kuleja kwami nakwilamu, ami nami nakayinka nvula jenu hayilaaka yaju, niituña dakasoña mbutu jadu, ninyitondu yamumpata yakasoña nyikabu yayu. Nakamwenesha mwituña zo-o, Mwakakambama, hosi wakayakamishaku; nakaketwisha anyama atama mwituña, hela mpoku yakabali hiyakahita mwituña denuku. Nakendaña mukachi kenu, nakekala Nzambi yenu, ninenu mwakekala antu ami.” (Alevi 26:3, 4, 6, 12) A Isarela adiluñishileña kuwunda munjila yakwila nawu adiña akiñewa kudi ayilumbu jawu, adiña nayuma yayivulu yakumujimba nawa adiña nawubwambu wawuwahi naYehova. Ilaña chumichi chashindameneni hakovwahila Nshimbi jaYehova.—Masamu 119:165.
Yuma Yalema yakuSpiritu
it-2 617
Yipupu
Yenjili haMuloña waKuleka Kwovwahila Nshimbi jaNzambi. Muza waIsarela awulejeli nawu neyi wuleka kulondela chitiyañenu chatiyañeniwu naNzambi, ‘wukayitemeshela chipupu mukachi kawu.’ (Lev 26:14-16, 23-25; Kuh 28:15, 21, 22) MuBayibolu, kukola kumujimba hela kuspiritu kwendelaña hamu nankisu jaYehova. (Kuh 7:12, 15; Ms 103:1-3; Yis 3:1, 2, 7, 8; 4:21, 22; Chi 21:1-4), ilaña nyisoñu yendelaña hamu nanshidi nikubula kuwanina. (Kwi 15:26; Kuh 28:58-61; Isa 53:4, 5; Mat 9:2-6, 12; Ywn 5:14) Mpinji yikwawu Yehova waleteli nyisoñu hadi antu, chidi neyi mbumba yamweteli, Miriyami, yaUziya, niGehazi (Kuc 12:10; 2Ku 26:16-21; 2An 5:25-27), chinamwekani neyi kakavulu iyi nyisoñu hela yipupu yenjili hamuloña wanshidi yakoñeliwu halwawu hela muza wejima. Añwili yuma yakuwiliwu; nyijimba yawu yakabakeni hamuloña wayilwilu yawu yatama. (Ñal 6:7, 8) Kutalisha kudi antu adiñijili muyilwilu yawuvumbi, kapostolu wahosheli nindi Nzambi “wayitejeli kukoña yilwilu yawu yawuzondu yafwilileña nyichima yawu, kulonda nyijimba yawu yisawuki mukachi kawu . . . kutambula wufwetu wawu wejima wakuyisompesha, kwesekeja nanshidi jawu.”—Rom 1:24-27.
FEBRUARY 8-14
YUMA YALEMA YAMWIZU DANZAMBI | KUCHINDA 1-2
“Yehova Wapompeshaña Antu Jindi”
w94 12/1 9 ¶4
Iluña Datelela Dakudifukwilamu Kudi Yehova muChihandilu Chetu
Neyi mwadiña namesu neyi akajila nenu mumoni chilombu chawaIsarela muchinkalampata, yumanyi yimwadi kumona? Izaza deneni chikupu, ilaña dinatuñi matenti awu mumazanvu-mazanvu, hamwaha antu 3 miliyoni nikubadikahu, anayiteki ejima wawu munyichidi awa hachilombu chawu awa hachilombu chawu, kukabeta kakuchimunswa, kakuchidilu, kakumusela nikakumujika. Neyi mushinshikisha chikupu, mukumona cheñi izanvu dikwawu kwakwihi nahakachi kachilombu. Awa mazanvu awana anyanya amatenti adiña matala ayisaka yamuchidi waLevi. Hakachi kachilombu hadiña iluña dakunyeñumwisha namahina nawa mwadiña chuma. Chumichi chadiña “itenti dakubulakena,” hela tabanaka yatuñiliwu aIsarela “akweti maana munyichima yawu” kwesekeja nachahosheliyi Yehova.—Kuchinda 1:52, 53; 2:3, 10, 17, 18, 25; Kwidika 35:10.
it-1 397 ¶4
Chilombu
Chilombu chawaIsarela chadiña cheneni nankashi. Amayala akwanjita achindiliwu adiña 603,550, kubombelahu ambanda, anyana, atushinakaji niayifwayi, aLevi 22,000, “niluntu lwalweni lwawantu acheñi adibomba niacheñi niacheñi” hadaha, wejima wawu adiña 3,000,000 hela kubadikahu. (Kwi 12:38, 44; Kuc 3:21-34, 39) Kwosi weluka kutoha kweluña mwakuminineñawu; kupima kwashimunawu kwenda kwamboka-mboka. Chelili chilombu chiyi nakushakama kwatalañana naYeriku muyana yaMowabi, alumbulula nawu ateekeli “kufumisha kuBetiyeshimoti nakushika kuAbeli Shitimi.”—Kuc 33:49.
Yuma Yalema yakuSpiritu
it-2 764
Kusonekesha
Kakavulu ayisonekeleña hamajina nawa hachisaka hachisaka kwesekeja namuchidi mwavwalikiliwu nawa hetala-hetala. Hiyakuminineña hohu dakuchinda hela kuchinda hohu nyituku. Kusonekesha kwasonekesheleña mutaña wejima kwatenawu muBayibolu kwazatileña nyidimu yamboka-mboka, chidi neyi nyisonku, nyidimu yawushidika, hela (kudi aLevi mwabombeleli) kuyitonda kulonda azateña nyidimu yamumalala.
FEBRUARY 15-21
YUMA YALEMA YAMWIZU DANZAMBI | KUCHINDA 3-4
“Mudimu Wazatileñawu aLevi”
it-2 683 ¶3
Kapristu
MuNshimbi Yachitiyañenu. Hampinji yadiñawu aIsarela muwuduñu muEjipitu, Yehova wajilikili anyana kawaIsarela awedi awamayala kwikala indi hampinji yajilumwiniyi anyana awedi awamayala awaEjipitu nachipupu chamu 10. (Kwi 12:29; Kuc 3:13) Awa awedi adiña ambala aYehova kulonda yayizatisheña munyidimu yindi yajila. Nzambi kachi wadi kuyilisha awa awedi ejima awaIsarela kwikala atupristu nawa nikwakamenaña malala indi. Ilaña, nkeñelu yindi yadiña yakutonda amayala amuchidi waLevi kuzata mudimu windi. Muloña wachumichi wasinsishili amayala amumuchidi waLevi mudi anyana awamayala awedi anyichidi 12 (anyana kaEfweremi naManase ayichindili munyichidi yiyedi). Chayichindiliwu adiña 273 anyana awedi abulili kwikala aLevi kutachikila hadi wudi nakakweji kamu nikubadikahu, kubadika kuvula kwawanyana kawaLevi awamayala, dichi Nzambi wakeñeleña mali akukuula nachu, mashekeli atanu ($11) hamuntu-hamuntu ejima wawu 273, awa mali ekalileña aAroni nawanyanindi. (Kuc 3:11-16, 40-51) Kutalisha kuniyi nsañu, Yehova wadiña wambulahu dehi amayala amuchisaka chaAroni mumuchidi waLevi kuzataña mudimu wawupristu muIsarela.—Kuc 1:1; 3:6-10.
it-2 241
Alevi
Nyidimu. Alevi adiña muyisaka yisatu, kutachikila hadi anyana kaLevi amayala; Gereshoni (Gereshomi), Kohati niMerari. (Kut 46:11; 1Ku 6:1, 16) Chisaka nichisaka achinkeli iluña kwakwihi natabanaka muchinkalampata. A Kohati amuchisaka chaAroni ateekeleli kumbidi yatabanaka kukabadi kakumusela. Anyana kaKohati amakwawu ateekeleli kukabadi kachidilu, aGereshoni ateekeleli kunyima yatabanaka kumujika nawa aMerari kukabeta kakuchimunswa. (Kuc 3:23, 29, 35, 38) Kutuña, kulemona nikusenda tabanaka wadiña himudimu wawaLevi. Neyi mpinji yakubuuka yinashiki, Aroni hamu nawanyanindi adiña nakulemuna ihina dambula Mwajila naMwamweni Mwajila nikubuta chimbañu chawunsahu, tumeña twakulambwila niyuma yikwawu yajila niyuma yamudimu yejima. A Kohati diwu asendeleña iyi yuma. A Gereshoni asendeleña mahina atabanaka niitenti dakubulakena nichifwiku chayitembi yamayobu chekala hewulu niihina dakujikaña muchisu chetenti dakubulakena (mahina akujika nachu tabanaka yayeni), nawa anyana kaMerari mapalanga nankañalu, yishima yadu namayandayu, yishimi yachipañu nimpopu jayu ninyonji yayu niyuma yayu yejima hamu. (yuma yanyeñumukili tabanaka).—Kuc 1:50, 51; 3:25, 26, 30, 31, 36, 37; 4:4-33; 7:5-9.
it-2 241
Alevi
Mumpinji yaMosi kaLevi wakalakeleña mudimu windi wejima neyi nashikiji dehi yaaka 30, chidi neyi kwimenaku nyidimu yamutabanaka nikusenda yiteli neyi hiyakubuuka. (Kuc 4:46-49) Nyidimu yikwawu ayizatileña kudi antu adiña nayaaka 25, hadaha kufumishaku mudimu wakola, mudimu wakusendaña yiteli yatabanaka. (Kuc 8:24) Mumafuku aMwanta Davidi yaaka ayikehesheliku nakushika mu 20. Chuma chaletesheli Davidi yeli mwenimu dichenichi nindi (tabanaka akayisinsa kudi Tembeli) hiyakisendañaku. Neyi anashikiji dehi yaaka 50 nyidimu yawu yamanineña. (Kuc 8:25, 26; 1Ku 23:24-26; talenu YAAKA.) A Levi ateleleli kwilukisha Nshimbi, muloña kakavulu ayitambikileña nawu ayitañi kumesu awantu amavulu nikutañisha antu.—1Ku 15:27; 2Ku 5:12; 17:7-9; Ne 8:7-9.
Yuma Yalema yakuSpiritu
w06 8/1 23 ¶13
Ikalenu naMaana Nawa Mwakamenu Nzambi!
Davidi chamweniyi Yehova chamukwashiliyi mumpiji yakala, chamuletesheli kusweja kumwakama Nzambi nikumukuhwelela. (Masamu. 31:22-24) Kapampa kasatu Davidi walekeli kumwakama Nzambi nawa chumichi chamuleteleli kukala. Katachi welili nindi atwali chimbañu chaYehova chachitiyañenu kuYerusalema mwitemba chatela achisendeli hamafwiji kudi aLevi kwesekeja nachashimwini Nshimbi jaNzambi. Chelili Uza, wadiña nakulombola itemba, yakwati kuChimbañu nindi yachitenteki chachiwahi, washikeneni dakufwa hamuloña “wachibeñu chindi.” Uza wavulumwini chikupu, ilaña wadiña himuloña waDavidi wakañenyi kulemesha Nshimbi jaNzambi, dichaletesheli mufumi kukala. Kumwakama Nzambi kwatalisha mukwila yuma kwesekeja nachaloñeshayi.—2 Samweli 6:2-9; Kuchinda 4:15; 7:9.
FEBRUARY 22-28
YUMA YALEMA YAMWIZU DANZAMBI | KUCHINDA 5-6
“Munateli Kuyimbujola Ñahi aNaziri?”
it-2 477
KaNaziri
Kwadiña yishina yisatu yateleli kulondela antu asanyikileña kwikala kaNaziri: (1) Hiyateleleli kunwa vinyu niyuma yikwawu yashetanaku; nawa hiyateleleli kuda nyikabu yamuvinyu hela yituuta hela yawumaku, hela kunwa menji anyikabu yamuvinyu nehi, hela yituuta, hela vinega yawalwa nehi. (2) Hiyayitejeli kutewula nsuki jawuku. (3) Hiyateleli kukwata muntu wafwaku, chili tata yawu, mama yawu, manakwawu hela muhelawuku.—Kuc 6:1-7.
Yikaninu Yadimena. Muntu wadikanineña ichi chikaninu chalema “nakwikala kaNaziri [dikwila nawu kudihana, kudambula] nindi ekali wambala waYehova” bayi kudimwekesha kudi antu nindi amwilukiku. Ilaña “mafuku akwambukayi ejima najilili dehi Yehova.”—Kuc 6:2, 8; esekejenu Kut 49:26.
Nshimbi jayishililiwu aNaziri, jadiña jalema kutalisha kukudifukula kudi Yehova. Neyi chichadiña kapristu muneni, akaanishiliwu kukwata muntu wafwa dehi muloña wanyidimu yindi yajila, hela chakwila hintaña yindi, dichichadiña ninawa aNaziri. Kapristu muneni niatupristu amakwawu, hamuloña wanyidimu yawu yazatileñawu, ayikaanishili kunwa walwa hela kunwa yuma yashetana neyi hiyakuzata nyidimu yawu yajila kumesu aYehova.—Lev 10:8-11; 21:10, 11.
Kubombelahu, kaNaziri (muchiHeberu, na·zirʹ) “wakajilaña ho-o . . . nyizenza yansuki jindi wakayilekaña tuhu,” chumichi chadiña chinjikijilu chashikeneneñawu antu kwiluka nawu hikaNaziri wajila. (Kuc 6:5) Izu dodimu dachiHeberu dakwila nawu na·zirʹ adizatisha kutalisha ‘kunyivinyu yinabuli kuloñeshawu’ mumpinji yaSabata nimuyaaka yaJubili. (Lev 25:5, 11) Hacheña chawuru chadiña hachibaba chakapristu muneni hehama, chadiña nansona yabaziliwu nawu ‘Kujla kwambala kwaYehova’ ayiteneneña awa mazu nawu “chinjinjikijilu chajila chakudihana [muchiHeberu, neʹzer, kufumisha kwizu dodimu dakwila nawu na·zirʹ].” (Kwi 39:30, 31) Hohamu, nichabaaba chavwalileñawu anyanta awayishewa amuIsarela, achiteneneña cheñi nawu neʹzer. (2Sa 1:10; 2An 11:12; talenu CHIBAABA; KUDIHANA.) Muchipompelu chawakwaKristu kapostolu washimwini nindi mumbanda amwinka nsuki jajilehi dichuma chakubuta kumutu windi. Hichuma chakumwanukishaña nawu yena wambukaku chikupu naweyala; watela kujihembaña kulonda yamwekesheña nawu nakwovwahila ntanjikilu yaYehova. Iyi ntanjikilu yakubula kutewula nsuki (hiyinateleli kudi muntu weyalaku), kuleka kunwa walwa chikupu kushilahu nikwikala nawunyonji nikubula kuditamisha, yumiyi yamukwashileña kaNaziri wadihana kwiluka nindi watela kudijilika nikudihana chikupu nakwovwahila nkeñelu yaYehova.—1Ko 11:2-16; talenu NSUKI; KUBUTA KUMUTU; HICHUMA CHAKUSEMUKA NACHU.
Yuma Yalema yakuSpiritu
w05 1/15 30 ¶2
Malwihu Kufuma Kudi Antañi
Hela chochu, Samisoni wadiña kaNaziri, munjila yambukaku. Henohu kanda yavwaliki kañelu kaYehova wamulejeli mama yaSamisoni nindi: “Muloña wakabaaba ivumu wakavwala mwana weyala; mpoku yachayi bayi yakahita kumutu winduku, muloña owu mwana wakekala kaNaziri kambala kaNzambi, kufumisha hakuvwalika mwivumu. Wakatachika kuyamwina aIsarela kudi aFwilistinu.” (Ansompeshi 13:5) Samisoni hasanyikili kwikala kaNaziriku. Wadiña kaNaziri nanichi chamutondeliwu kudi Nzambi nawa wuNaziri windi wadiña wahaya nyaaka. Nshimbi yakwila nawu kwosi kukwata muntu wafwa hiyamukundaminiku. Neyi yamukundamini nawa yakwata muntu wafwa chakadi kwiluka, wadi kutwalekahu ñahi kuzata mudimu wawu kaNaziri henohu wasemuka nawu? Mwamweni, yuma yakeñekeleña kudi antu asemukileña nawuNaziri yambukiliku nawaNaziri adihanineña hohu chakudihana.