Yuma Yikuyikwasha Kutiyisha Nsañu Yidi Mukudiza Bayibolu
Lejenu muntu wakuyidizisha: Lejenu muntu wayinkeli iyi buloshuwa kulonda mutachiki kudiza Bayibolu, hela sonekenu fomu yakulombelahu kudiza yidi hawebu sayiti yetu, ha jw.org/lun.
CHIBALU CHATACHI
Tañenu paragilafu-hiparagilafu, kushilahu nimalwihu adi muwulombu watamuka (A) ninsona (B) jinakukonkomwena hayikuma yamaneni. Nsona jikwawu anajisoneki nawu “tañenu.”
CHIBALU CHAHAKACHI
Mazu atachi (C) adi hanasonekiwu nawu Sandujolenu Chikupu anashimuni yinalondelihu. Nyitu yanyanya (D) yinashimuni yuma yimukuhanjeka. Tañenu jinsona, akulenu malwihu nawa talenu mavidiyo (E).
Hanjekenu hanyevulu nimazu anakulumbulula nyevulu (F), nawa toñojokenu chimukwakula hanasonekiwu nawu Amakwawu Ahoshaña Nawu (G).
CHIBALU CHAKUKUMISHAKU
Yuma Yimunadizi niKuhitulukamu (H) diyinakunkululi kudiza. Sonekenu ifuku dimunamanishi kudiza. Yuma Yimukwila (I) yikuyikwasha kwiluka yuma yimwatela kuzatilahu. Ilukilenuhu Nsañu Yikwawu (J) mudi nsañu yimwatela kutondahu kuyitaña, hela mavidiyo imwatela kutala.
Chakuwana mavasi amuBayibolu
Nsona anajisoneki nejina damukanda wamuBayibolu (A), kapetulu (B), nivasi hela mavasi (C). Chakutalilahu, Yowanu 17:3, dikwila nawu anakutena mukanda waYowanu, kapetulu 17, vasi 3.