Indi Bayibolu Yahoshaña Nawudi?

Komana Nzambi wakulaña kulomba kwejima?

KOMANA MUKUHOSHA NENU WAKULAÑA KULOMBA . .

Kwawantu ejima
Kwawantu amakwawu hohu
Kwosi nimuntu akulañayi

CHAHOSHAÑA BAYIBOLU

“Yehova wudi kwakwihi nawantu ejima . . . Akumutambika chalala chakubula kutwamba.”—Masamu 145:18.

YUMA YIKWAWU YITWADIZAÑA MUBAYIBOLU?

Nzambi wadiwulaña kulomba kwawantu adikañaña nayena. (Isaya 1:15) Hela chochu, anateli “kutiyaña” nindi kuhitila mukuhimpa yilwilu yawu.—Isaya 1:18.
Hakwila Nzambi yakuli kulomba, muntu watela kulomba kwesekeja nachakeñañayi neyi chiyashimunawu muBayibolu.—1 Yowanu 5:14.

Komana twatela kulomba munjila yadimena?

ANTU AMAKWAWU AKUHWELELA nawu atela kufukama mpinji yejima, kunoña hela kuvuña makasa hampinji yinakulombawu. Munatoñojoki nenudi?

CHAHOSHAÑA BAYIBOLU

Nzambi watiyili kulomba kwawantu alombeleña iku ‘ashakama’ hela ‘kwimana’ hela antu adiña ‘nakwalañana’ hela ‘afukamini.’(1 Kushindulula 17:16; 2 Kushindulula 30:27; Ezera 10:1; Yililu 9:40) Nzambi kwindi hahana lushimbi lutwatela kulondela hakulombaku.

YUMA YIKWAWU YITWADIZAÑA MUBAYIBOLU?

Nzambi watiyililaña antu adizoza. —Masamu 138:6.
Munateli kulomba mwidimi didi dejima hela tuhu wumweneni.—2 Kushindulula 6:32, 33; Nehemiya 2:1-6.

Neyi munakukeña kwilukilahu nsañu yikwawu, talenu kapetulu 17 kawunu mukanda waChumanyi Chacheni Chatañishaña Bayibolu? wasonekawu kudi aYinsahu jaYehova

Wudi cheñi ha www.jw.org/lun