Yuma Yamwekeni

Mwekeshelenuña Antu Ejima Wushona

Ifuku dimu muhela wakuNew Zealand watalili vidiyo ha jw.org yahosheleña hadi Yehova chatiyilañayi nikuyimwekeshela antu wushona. (Isa. 63:​7-9) Wazatishili yuma yadiziliyi muniyi vidiyo nawa yamukwashili kukwasha muntu wakaankilili. Hadodina ifuku hampinji yadiña nakulandayi yuma yakuzatisha hetala, wabulakeni mumbanda wabulili kwakushakama nawa wamulejeli nindi wukumulandila yakuda. Ona mumbanda wetejeli. Iwu muhela chamuleteleliyi yakuda, wamushimwinini kuzatisha trakiti yaKomana Makabi Amba Kamana?

Ona mumbanda wadilili. Walumbulwili nindi anvwali jindi adiña aYinsahu nawa amudizishileña chalala, ilaña washileñaku maana wanyi. Hela chochu, hanashimbuli wanyi kufuma hatachikiliyi kulomba kudi Yehova nindi amukwashi kulonda afunti kudi Yena. Muhela wamwinkeli ona mumbanda Bayibolu nawa atiyañeni kutachika kudiza.a

Kufwana Yehova, ninetu tunateli kuyimwe keshela antu wushona, kushilahu antaña jetu, amanakwetu niahela muchipompelu. Nawa tunateli kumwekesha wushona neyi twikalaña nampinji yakulejaku antu nsañu yamuBayibolu.