Esekenu Kudiza Yuma Yayiha Neyi Munakudiza

Hitunakudiloñesha kudiza, twatela kudihula netu, ‘Yumanyi yinukudiza?’ Hela chochu, twatela kwikala asoñama kulonda tubuli kwiteja yuma yitunakukuhwelela kudiza yitukañeshi kumona yuma yinakukeña kutudizishayi Yehova. Tunateli kweseka ñahi kudiza yuma yayiha neyi tunakudiza?

Lombenu maana. Mulombenu Yehova ayikwashi kwiluka yuma yinakukeñayi nindi mudizi chayinu mpinji. (Yak. 1:5) Tondolwelenuña kushindamena hayuma yimwelukili kunyima.—Yish. 3:​5, 6.

Itejenu ñovu Yezu daNzambi yiyikwashi. “Izu daNzambi dadumi.” (Heb. 4:12) Izu daNzambi “dadumi” dinateli kutukwasha munjila jashiyashana mpinji yejima yitunatañi Bayibolu, ilaña chiña neyi tunakufwila kudiza yuma yayiha yitunakudiza.

Zatishenuña yuma yejima yinakuyiloñeshelayi Yehova. Yakuda yakuspiritu yatwinkañayi yidi neyi “chawija chayakuda yayiwahi.” (Isa. 25:6) Bayi mukilokelaña ‘yakuda’ yimunamoni nenu mukudiluñisha wanyi. Yuma yinakuyinkayi Nzambi yikuyikwasha nawa yikuyitiyisha kuwaha!