2 “Chik Jo-Israel mondo okelni mo maler mar zeituni miolo e teyini mondo teyinigo osik ka liel.+ 3 Pile ka pile godhiambo, Harun biro neno ni omok teyini manie nyim pasia machiegni gi Sandug Singruok man e hema mar romo, mondo giliel nyaka okinyi e nyim Jehova. Mano en chik momakou nyaka chieng’ kuom tiengeu duto.

48 Solomon noloso gik moko duto mitiyogo e od Jehova. Gigo ne gin: kendo+ mar dhahabu, mesa mar dhahabu+ miketoe makate miketo e nyim Nyasaye, 49 kod gige chungo taya+ molos gi dhahabu maler, mi nochungo abich korachwich to abich koracham e nyim Ka Maler Moloyo. Bende, noloso maupe,+ teyni, kod gige simo taya. Giduto nolosgi gi dhahabu.+