34 Eka Jehova nonyiso Musa kama: “Kaw gik mang’we mamit ma luwogi kendo ipimgi ma romre.+ Inikaw sitakiti, onuka, galibena, kod ubani. 35 Initi kodgi e loso ubani.+ Onego oruwgi maber mi medie chumbi+ mondo gibed gik maler kendo mopwodhi. 36 Iniswag moko kuomgi mondo obed poda mayom. Kae to ikaw poda moko iket e nyim Sandug Chik* manie hema mar romo ka ma abiro fwenyoranue. Ubanino nobednu gima ler moloyo.

8 To ka nokawo bugno, chuech ang’wen-go gi jodongo piero ariyo gang’wen-go+ nopodho piny e nyim Nyarombono, kendo moro ka moro kuomgi ne nigi gir goyo thum kod bakunde mag dhahabu ma ne opong’ gi ubani e igi. (Ubanino en lamo mag jo maler.)+

3 Malaika machielo ma ne nigi gir ting’o ubani molos gi dhahabu ne ochopo, mi ne ochung’ e dho kendo mar misango,+ kae to ne omiye ubani mang’eny+ mondo ochiwgi kanyachiel gi lamo mag jo maler duto e kendo mar misango mar dhahabu+ ma ne ni e nyim kom-lojno. 4 Yiro mar ubani moa e lwet malaikano kanyachiel gi lamo+ mag jo maler noidho malo e nyim Nyasaye. 5 Eka gikanyono, malaikano nokawo gir ting’o ubanino, kae to ne opong’e gi mach moko ma ne ni e kendo mar misangono, mi ne owito majno e piny. Bang’ mano, polo ne omor, kendo dwol moko nowinjore. Bende, polo ne omil,+ kendo piny noyiengni.