13 Omiyo, Musa nochiko Jo-Israel kama: “Ma e piny ma ubiro pogoru e kindu gi ombulu+ mana kaka Jehova osechiko ni omi dhoudi ochiko gi nus.

2 Mana kaka Jehova nosechiko Musa, ne opog lowo ne dhoudi ochiko gi nus+ kitiyo gi ombulu.+

4 Nyirigo ne odhi e nyim Eleazar+ jadolo, Joshua wuod Nun, gi jotelo, ma giwacho niya: “Jehova e ma nochiko Musa mondo omiwa lowo e kind owetewa.”+ Omiyo, ne omigi lowo e kind owete wuon-gi mana kaka Jehova ne ochiko.+

6 Un to goruru map mar pinyno, kae to upog pinyno nyadibiriyo, kendo ukelna mapno. Abiro goyonu ombulu+ kae e nyim Jehova Nyasachwa.