19 Mondu gi nyithindu kod jambu e ma biro dong’ e mier ma asemiyougo (Ang’eyo ni un gi jamni mathoth), 20 nyaka chop ka ma Jehova biro miyo oweteu kar dak ma gikaw piny ma Jehova Nyasachu osemiyogi loka Aora Jordan, eka nuduog kendo ng’ato ka ng’ato kuomu nodag e lowo ma asemiye.’+

14 Mondeu, nyithindu, kaachiel gi jambu biro dong’ e piny ma Musa nosemiyou loka Aora Jordan koni,+ kata kamano, jolwenju+ to biro ng’ado aora mondo gidhi giked ne oweteu.+ Ne ni ukonyogi 15 nyaka Jehova Nyasachu migi kuwe mana kaka osemiyou, kendo ni gikawo piny ma Jehova Nyasachu miyogi. Ka usekonyogi kamano, duoguru udag e piny ma Musa jatich Jehova nomiyou loka yo wuok chieng’ mar Aora Jordan.’”+

8 To nus dhood Manase machielo, kaachiel gi Jo-Reuben, gi Jo-Gad ne okawo piny ma ne Musa omiyogi yo wuok chieng’ mar Jordan, ne gikawo pinyno mana kaka Musa jatich Jehova ne opogonegi:+