6 Omiyo, Musa nokawo geche kod ruedhigo, momiyogi Jo-Lawi. 7 Nomiyo joka Gershon geche ariyo gi ruedhi ang’wen kaluwore gi tijgi;+ 8 joka Merari ma ne gin e bwo Ithamar wuod Harun jadolo to nomiyo geche ang’wen gi ruedhi aboro kaluwore gi tijgi.+ 9 To joka Kohath ne ok omiyo gimoro nikech ne onego giting’ gik mitiyogo ka maler+ e gokegi.+

2 Kindeno e ma Daudi nowachoe niya: “Onge jo ma oyienegi ting’o Sandug Singruok mar Nyasaye madier mak mana Jo-Lawi kende, nimar gin e ma Jehova oseyierogi mondo giting’ Sandug Singruok mar Jehova kendo giti e nyime kinde duto.”+