9 Musa nowacho ne Joshua+ niya: “Yier ji mondo udhi ukednwa gi Jo-Amalek. Kiny nachung’ e wi got ka ating’o ludh Nyasaye madier e lweta.”

13 Eka Musa gi Joshua jakonyne nowuok,+ kae to Musa noidho got ma odhi ir Nyasaye madier.+

11 Jehova ne wuoyo gi Musa wang’ gi wang’+ mana kaka dhano diwuo gi wadgi. Ka ne Musa dok e kambi, jatichne+ ma en Joshua+ wuod Nun ne dong’ e hemano.

18 Omiyo, Jehova nodwoko Musa niya: “Kaw Joshua wuod Nun, ng’at ma nigi nyalo, mondo iyie lweti kuome.+ 19 Kae to ikele e nyim Eleazar jadolo gi oganda duto, kendo ipwodhe e nyimgi.+ 20 Miye tekoni moko+ mondo oganda Jo-Israel duto oluore.+

3 Jehova Nyasachu biro ng’ado Aora Jordan motelonu mi otiek ogendnigo, kendo unukaw pinygi.+ Joshua e ma biro telonu kung’ado Aora Jordan+ mana kaka Jehova osewacho.