34 Ji ne wuok e ogendni duto mondo gibi giwinj rieko Solomon. Ruodhi moa e piny ngima ma nowinjo wach riekone bende nobiro ire.+

4 Ka ne ruoth ma dhako ma Sheba oneno rieko duto mag Solomon,+ ot ma nogero,+ 5 chiemo ma ne nie mesane,+ kaka jotichne ne bet e mesa, joter chiemo e mesa kod kit rwakruokgi, jolos divai, kod misengni ma ne owang’o pile e od Jehova, ruodhno nodhier nono mi dhoge nomoko. 6 Eka nowacho ne ruoth niya: “Huma ma ne awinjo ka an e pinywa e wi riekoni kod gik misetimo gin adier. 7 Ka ne awinjo wechego ne ok ayie kodgi nyaka ne abiro ma aneno gi wang’a. Kare ne ok onyisa kata mana nusgi. Riekoni kod mwanduni okalo mabor weche ma nonyisa.

19 Ka ne ruoth owuoyo kodgi giduto, onge yawuoyi ma ne riek kaka Daniel, Hanania, Mishael, gi Azaria.+ Omiyo, ne okaw yawuoyi ang’wen-go mondo ochak tiyo ne ruoth. 20 Ka ne ruoth openjogi wach moro amora, bed ni ne en wach ma ne dwaro lony kata rieko manade, ruoth ne oyudo ka yawuoyigo oloyo jokor wach kod ajuoke+ duto ma ne ni e pinyno nyadipar.