14 “‘Ka japiny moro odak e kindu, en bende onego otim ne Jehova sap Pasaka+ koluwo chike duto moket ne sawono.+ Jadak gi Ja-Israel biro luwo chik achiel.’”+

16 To Ruth nodwoke niya: “Kik ichuna ni apogra kodi kendo ni awe luwi, nikech ka ma idhiye e ma nadhiye, kendo ka ma idakie e ma nadagie. Jogi nobed joga, kendo Nyasachi nobed Nyasacha.+

15 Bang’ mano, Naaman gi joge duto nodok ir janabi+ mochung’ e nyime kae to owacho niya: “Koro ang’eyo ni onge Nyasaye kamoro amora mak mana e piny Israel kende.+ Omiyo, yie ikaw mich ma akelonini.”

32 “Bende, kuom wendo ma ok en achiel kuom jogi Israel mobiro kowuok e piny mabor nikech nyingi maduong’+ gi lweti man gi teko, kendo olemo kochomo odni,+ 33 yie ichik iti ka in kar dakni e polo kendo itim gik moko duto ma ng’at ma wendo okwayi, mondo ji duto e piny mangima ong’e nyingi+ kendo omiyi luor mana kaka jogi Israel timo, kendo ging’e ni ot ma asegeroni iluongo gi nyingi.

Abiro yie gi misengnigi miwang’o kod misengnigi mamoko ma gikelo e kendona mar misango.

Nimar ibiro luong oda ni od lamo mar ogendni duto.”+

27 Eka noa malo mi nodhi romo gi Ja-Ethiopia ma bwoch* ma ne nigi teko e bwo Kandes ruoth ma dhako mar Jo-Ethiopia, kendo en e ma ne ochung’ ne mwandu duto mag ruodhno. Jalo ne odhi Jerusalem mondo olem,+