24 Unulosna kendo mar misango mar lowo, kendo kanyo e ma unugolie misengni miwang’o, misengni mag kuwe, rombeu, kod dhou. Kamoro amora ma ayiero mondo ulamae,*+ anabi kuno kendo anaguedhu.

5 Kar mano, neuru ni ulamo Jehova Nyasachu mana ka ma obiro yiero e kind dhoutu mondo nyinge obedie kendo odagie. Kanyo e ma nudhiye.+ 6 Kanyo e ka ma ubiro keloe misengni miwang’o,+ gi misengni mamoko, gi chiwo magu mag achiel kuom apar,+ kod chiwo mowuok e lwetu,+ gi chiwo muchopogo singruok, gi chiwo mugolo kuom herou,+ kaachiel gi jambu makayo.+

16 ‘Nyaka ne agol joga Israel e piny Misri, pok ayiero dala moro amora e dhout Israel duto mondo ogernae ot ma nyinga betie,+ to aseyiero Daudi mondo e ma oloch e wi joga Israel.’ 17 Daudi wuora ne dwaro ahinya gero ot ne nying Jehova Nyasach Israel.+