4 Eka ne oyiero Jo-Lawi moko mondo oti e nyim Sandug Singruok mar Jehova,+ gimiye duong’, gigone erokamano, kendo gipak Jehova Nyasach Israel. 5 Asaf+ ne en jatendgi to Zekaria ne en jalupne, to Jeiel, Shemiramoth, Jehiel,+ Matithia, Eliab, Benaya, Obed-edom, kod Jeiel ne goyo nyatiti kod gige thum ma nigi tonde migwelo,+ Asaf to ne goyo nyidwonge.+ 6 Benaya jadolo kod Jahaziel jadolo ne goyoga turmbeta e nyim sandug singruok mar Nyasaye madier.