20 Bor mar Ka Maler Moloyo ne bede 20, lachne ne bede 20, kendo borne ka dhi malo ne bede 20.+ Nomwono iye duto gi dhahabu lilo. Bende nobawo kendo*+ gi yiend sida.

23 Noloso jokerubi ariyo+ gi yiend obudo* moketogi Ka Maler Moloyo, moro ka moro ne borne romo bede apar.+

6 Eka jodolo notero sandug singruok mar Jehova ka ma nonego obedie. Ne gikete e ot ma iye,+ ma en Ka Maler Moloyo, kendo ne gikete e bwo buombe jokerubi.+

7 Omiyo, buombe jokerubigo noyarore e wi Sandug Singruok mi jokerubigo noumo Sandugno kod ludhe miting’ego.+ 8 Ludhe+ mag sandugno ne boyo ahinya kendo ng’ato ne nyalo neno wigi ka en Ka Maler e nyim Ka Maler Moloyo. Kata kamano, ludhego ne ok nyal nenore gi oko, kendo gin kanyo nyaka kawuononi. 9 Ne onge gimoro ei Sandugno mak mana kite ariyo mopamore+ ma Musa noketo+ ka en Horeb, ka ne Jehova otimo singruok+ gi oganda Israel e kinde ma ne giwuok e piny Misri.+