12 Rehoboam nodhi Shekem+ nikech Jo-Israel duto nosedhi kuno mondo gikete ruoth.+ 2 Ka ne Jeroboam wuod Nebat owinjo wachno (noyudo pod odak Misri ka ma noringo odhiye nikech Ruoth Solomon),+ 3 ne oor wach mondo oluonge. Bang’ mano, Jeroboam kod Jo-Israel duto nodhi ir Rehoboam mi giwachone kama: 4 “Wuonu ne omiyowa ting’ mapek ahinya.+ To in ka imiyowa ting’ mayot kendo iduoko piny tich matek ma ne oketonwa, to wanatini.”