19 Mikaya nowacho kama: “Koro winj gima Jehova wacho: Ne aneno ka Jehova obet e kom-lochne+ to ogendni mag polo ochung’ e bathe korachwich gi koracham.+ 20 Kae to Jehova nopenjo niya: ‘Ng’ano ma biro dhi wuondo Ahab mondo odhi otho Ramoth-gilead?’ Malaika achiel ne wacho kama, to machielo ne wacho gima opogore. 21 Eka malaika+ moro ne obiro mochung’ e nyim Jehova mowacho kama: ‘Abiro dhi wuonde.’ Jehova ne openje niya: ‘Ere kaka idhi wuonde?’ 22 Nodwoke niya: ‘Abiro dhi keto weche mag miriambo e dho jonabine.’+ Nonyise kama: ‘Adier ibiro wuonde kendo ibiro loye. Dhi itim kamano.’ 23 Koro Jehova oseketo weche mag miriambo e dho jonabinigi duto,+ to Jehova oseng’ado ni masira nyaka yudi.”+