12 “‘Bang’ higni 70,+ abiro kumo ruodh Babulon kod ogandane nikech richogi,’+ Jehova owacho, ‘kendo abiro ketho piny Jo-Kaldea mi enodong’ gunda nyaka chieng’.+

14 Anawe mondo uyuda,’+ Jehova owacho. ‘Abiro golou e pinje duto ma asekeyoue mi anachoku,’+ Jehova owacho. ‘Anaduoku e piny ma ne agoloue ka ne aterou e tuech.’+

10 “Ma e gima Jehova owacho: ‘Usewacho ni pinyni osewe nono, ma onge ng’ato kata jamni, kendo ni mier madongo mag Juda kod nderni mag Jerusalem osedong’ nono ma onge dhano modakie, kata jamni. To kinde biro ma ubiro winjoe 11 mor gi ilo,+ dwond wuon kisera gi miaha, kaachiel gi dwond jo ma wacho niya: “Gouru erokamano ne Jehova Nyasach oganda lweny, nimar Jehova ber;+ herane osiko nyaka chieng’!”’+

“‘Gibiro kelo chiwo mag goyo erokamano e od Jehova,+ nikech abiro gologi e tuech, mana kaka chon,’ Jehova owacho.”