32 Kik utim singruok moro amora kodgi kata gi nyisechegi.+

15 Tang’uru kik utim singruok moro amora gi jopinyno, nikech sa ma gilamo* nyisechegi ka gichiwonegi misengni,+ gibiro luongou ma ucham kodgi misengni ma gigologo.+ 16 Di po ka yawuotu okendo nyigi+ ma lamo nyiseche manono, mi gimi yawuotu bende ochak lamo nyisechego.+

3 Kik ukendru kodgi. Kik uchiw nyiu ne yawuotgi mondo okendi, kendo kik ukaw nyigi mondo yawuotu okendi.+ 4 Nimar kutimo kamano to gibiro loko yawuotu owe lama ma gichak lamo nyiseche mamoko,+ kendo mano biro miyo Jehova ool mirimbe kuomu mi otieku piyo piyo.+

12 “To ka ulokoru ma umako osiep gi ogendni modong’ e kindu,+ kendo ukendoru kodgi+ mi uloso wat kodgi, 13 ng’euru ni Jehova Nyasachu ok bi dhi nyime riembonu ogendnigo.+ Ginibednu kaka obadho, kendo kaka del michwadogo ng’eu,+ kendo kaka kuthe ma chuoyo wengeu nyaka urum e piny maber ma Jehova Nyasachu osemiyou.