34 “To ka ne higni abiriyogo oserumo,+ an Nebukadnezar ne ating’o wang’a malo ka ang’iyo polo kendo pacha noduogo. Ne apako Nyasaye Mamalo Chutho. Ne apako Nyasaye ma dak nyaka chieng’ kendo ne amiye duong’, nikech lochne, en loch mosiko nyaka chieng’, kendo pinyruodhe siko tieng’ ka tieng’.+ 35 Ji duto modak e piny ok kwan ka gimoro, kendo otimo kaka odwaro gi malaike manie polo kod dhano modak e piny. Onge ng’at ma nyalo mone timo gima odwaro+ kata ma nyalo penje ni, ‘Itimo ang’o?’+