31 Eka Jehova notugo yamo mokelo aluru kowuok e nam, mi nomiyo alurugo olwar e alwora mar kambi,+ mi gikwako ka ma dirom wuodh ndalo achiel koni gi koni. Ne gihuyo gi piny, mana bede* ariyo koa e lowo. 32 Ji nomako alurugo odiechiengno duto, otieno mangima nyaka odiechieng’ maluwo duto; ji ne ok onindo nikech ne gichoko aluru. Onge ng’at ma ne ochoko aluru ma tin ne homer* apar, kendo ne gimoyogi e alwora mar kambi duto. 33 To ka ne ring’o pod nie dhoggi kendo ne pok gichako nyamo, Jehova ne oolo mirimbe kuom ogandano, kendo Jehova ne onego ji mang’eny kuomgi.+

34 Omiyo, ne giluongo kanyo ni Kibroth-hataava,+ nikech kanyo e ma ne giyikoe jo ma ne obedo gi ich lach.+