23 Kuom mano, Musa norieyo ludhe kochomo polo kendo Jehova nokelo mor polo gi pe, kod mach* e piny. Jehova nomiyo pe ogoyo piny Misri ma ok chogi. 24 Pe nogoyo piny, kendo polo bende ne mil. Ne en pe mang’eny ma pok nogoyoga piny Misri nyaka nene.+ 25 Pe nogoyo gimoro amora ma ne ni oko e piny Misri, kendo nogoyo dhano gi le, kod puothe, moketho yiende duto.+ 26 Piny Goshen kende, ka ma Jo-Israel nodakie, e ma pe ne ok ogoyo.+