16 “Owetena, ne dwarore mondo wach manie Ndiko ochop ma roho maler nokoro kokalo kuom Daudi e wi Judas+ ma notayo jo ma nomako Yesu.+ 17 Nikech ne osekwane kodwa,+ kendo en bende ne en gi kare e tijni. 18 (Kuom mano, ng’atno nong’iewo puodho moro gi pes richo,+ kendo nopodho gi ka wiye mi iye nobarore kendo nyimbiyene duto ne okere oko.+ 19 Wachno nolandore ne ji duto ma nodak Jerusalem, kendo mano nomiyo oluong puodhono e dhogi ni, Akeldama, tiende ni, “Puoth Remo.”) 20 Nimar ondik e bug Zaburi ni, ‘Kar dak mare mondo obed gunda, kendo kik ng’at moro amora odagie,’+ kendo ni, ‘Ng’at machielo mondo okaw migawo mare mar tayo.’+